Климатски промени во Обединетото Кралство

Климатските промени во Обединетото Кралство имаат влијание врз животната средина и човечката популација. Климата во земјата станува потопла, со посуви лета и повлажни зими. Фреквенцијата и интензитетот на бурите, поплавите, сушите и топлотните бранови се зголемуваат, а растот на нивото на морето влијае на крајбрежието. Велика Британија придонесува за климатските промени, бидејќи емитира повеќе гасови со ефект на стаклена градина по лице од светскиот просек. Климатските промени имаат економски влијанија врз Обединетите Кралство.^[1]

Владата се обврзала да ги намали емисиите за 50% од нивоата од 1990 година до 2025 година и на нето нула до 2050 година.^[2][3] Во 2020 година, Велика Британија поставила цел од 68% намалување на емисиите до 2030 година во своите обврски во Парискиот договор.^[4] Земјата постепено ќе го исфрли јагленот до 2024 година. Во 2019 година, Парламентот прогласил „вонредна состојба за климатските промени“.^[5] Обединетото Кралство било истакнато во меѓународната соработка за климатските промени, вклучително и преку конференциите на ОН и за време на нејзиното членство во Европската унија.

За климатските промени британските политичари разговараат од крајот на 20 век, но тие привлекле поголемо политичко, јавно и медиумско внимание во ОК од 2000-тите. Анкетите на јавното мислење покажуваат загриженост кај мнозинството Британци. Британското кралско семејство, исто така, дало приоритет на проблемот, при што кралот Чарлс III отворено зборувал „за климатските промени, загадувањето и уништувањето на шумите“ во „последните 50 години“.^[6]