Коста Групче

**Коста Групче**
	Коста Групче
Роден	Коста Групчев; 1848; Охрид
Починал	3 февруари 1907; Истанбул;
Националност	Македонец
Познат	македонски преродбеник и национален деец
Занимање	македонист, деец

Коста Групче или Коста Групчев — македонски национален деец и борец за македонска национална самостојност. Тој бил член на Тајниот македонски комитет, каде членувале и Темко Попов, Наум Евро и Васил Карајовов. Евро и Комитетот се залагале за македонска самостојност, воведување на македонскиот јазик во училиштата, издавање на македонски граматика и правопис и одбрана од балканските пропаганди во Македонија. Групче проповедал дека: словените во Македонија се Срби и Бугари толку, колку што се и Руси, Чеси или Полјаци, тие се Македонци, совршено одделна словенска народност^[1].

Животопис

Коста Групче е роден во 1848 година во Охрид, тогаш во рамките на Отоманското Царство, во големото семејство Групчеви. Тој е син на Ангел Групче, близок соработник на Григор Прличев, и на Катерина Групчева. Своето рано образование го стекнал кај Григор Прличев на грчки јазик. На 16 години тој заминал за Романија, а потоа во Виена и потоа пак се враќа во Отоманското Царство. Тој се занимавал со слаткарство, заедно со својот брат. Во 1885 година Коста Групче се запишал на Софискиот универзитет и станал член на ученичкото друштво „Свети Климент“. Истата година, Коста Групче заедно со Темко Попов. Наум Евро и Васил Карајовов го основале Тајниот македонски комитет. Тој бил уапсен од бугарските власт при неговото патување кон Истанбул и бил затворен во Стара Загора. Тој бил осуден како руски шпион, но потоа бил ослободен по српската и руска интервенција.

Во Истанбул, Коста Групче неуспешно се обидел да го издаде македонскиот весник „Македонски глас“ (1887) и да создаде македонски буквар, кој патем останал ракопис (1888). Тој умрел во Истанбул.