Курдерес

Курдерес
Местоположба
Физички особености
Устие	Драгор
Особености на сливот

Курдерес — поранешна река во Битола. Ја образувале Брусничка Река и неколку помали водотеци кои извирале под Баба Планина, на спојот на улиците Солунска и Тошо Даскало и се приклучувала Лавчанска Река, а се влевала во реката Драгор.^[1]

Името на реката Курдерес доаѓа од турските зборови „kurt-deresi“, што во превод значи „волчји поток“.^[1]

Реката Курдерес имала важна улога во заштитата на градот од поплави, кои биле честа појава во минатото.

Со изградбата на доводниот собирен канал за Стрежевското Езеро, овие води биле регулирани и нејзиното корито ја изгубило својата функција. Голем дел од годината каналот имал незначителна количина на вода и често пресушувал. Коритото станало отворен канал од кој се ширела неподнослива смрдеа и било извор на зарази особено во летниот период. Во 1975/1976 година била поставена канализација и коритото на реката Курдерес било целосно затрупано. Денес реката не постои, а над нејзиното корито е улицата Солунска.

На местото каде улица Солунска се сечи со Широк Сокак, постоел „Камен мост“ преку реката, па тоа место и денес го носи тоа име.^[1]