Лазар Киселинчев

Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете.

Лазар Киселинчев
Роден	20 јануари 1874 Косинец, Македонија
Починал	18 декември 1946 Софија, Бугарија

Лазар Киселинчев — македонски револуционер, учесник во македонското револуционерно движење, член и војвода на Македонската револуционерна организација.

Лазар Трпов Киселинчев, со псевдоним Аврам Киселец/Атински и наречен од Албанците Скендер беј, бил македонски револуционер, костурски војвода на Внатрешната македоно-одринска револуционерна организација, а исто така и масон.

Лазар Киселинчев е роден во 1874 година во големото костурско село Косинец, во семејството на познатиот градежник Трпо Киселинчев. Тој е брат на архитектот Ѓорги Киселинчев и на револуционерот Христо Киселинчев, кој загинал во битката кај Локвата и Винјари. Братучед е на скулпторот Пандо Киселинчев. Лазар Киселинчев завршил петти клас во грчката гимназија во Атина.

Тој ги поставил темелите на Македонски комитет во Атина. Заедно со Атанас Кршаков, Васил Чекаларов и Дељо Марковски, организирал канали за увоз на оружје од Албанија и Грција во Југозападна Македонија. Пред Илинденско востание, бил во својот роден крај и бил вклучен во подготовките. Во текот на востанието бил назначен за заменик на својот близок пријател Васил Чекаларов како член на Костурското горско началство.

По поразот на востанието, Лазар со Пандо Кљашев и Васил Чекаларов пребегал преку Албанија, и Унгарија во Бугарија. Тука учествувал во изградбата на мавзолејот „Свети Ѓорги“ во Плевен.

Се преселил во Америка (најдоцна во 1911 година) и учествувал во организирањето на бегалците во Македонските братства. При избувнувањето на Балканската војна во 1912 година бил доброволец во Македонско-одринското ополчение. Бил началник на секцијата патронаши.

Во 1926 година бил избран во Националниот комитет на македонските братства.

Во 1928 година влегол во управниот одбор на Македонската народна банка. Киселинчев заедно со Васил Стумбов бил делегат на Општо-костурскиот граѓански комитет во Софија како дел од организациите на македонските бегалци во Бугарија, кои се во голема мерка заслужни за многу суштински институции на современата бугарска држава.

Лазар Киселинчев починал во 1946 година.

Тој бил женет за Крстана Бурдашева и имале пет деца. Нивната ќерка Митра се омажила за дејецот на ВМРО, Андон Јуруков. Нивниот син, Славчо Киселинчев (1904 – октомври 1924) бил касиер на Македонскиот младински сојуз, а во негово име Лазар Киселинчев основал хуманитарен фонд за наградување на уметнички и музички дела со теми од македонскиот народен живот, ослободителната борба и други. Синот Лабро Киселинчев бил активен деец. на Македонската патриотска организација.

Лазар Киселинчев е автор на книгата „Строителите од најстарите времиња до денес“, издадена од Сојузот на градежно-занаетчиските здруженија во Бугарија, 1927 година.