Липооксигеназа

Липооксигеназа
Структура на зајачка ретикулоцитна 15S-липооксигеназа.[1]
Назнаки
Симбол	Lipoxygenase
Pfam	PF00305
InterPro	IPR013819
PROSITE	PDOC00077
SCOP	2sbl
SUPERFAMILY	2sbl
OPM-суперсемејство	87
OPM-белковина	2p0m
Расположливи структури: Pfam структури PDB RCSB PDB; PDBe; PDBj PDBsum преглед на структури

Липооксигеназите (EC 1.13.11.-) се фамилија на ензими кои содржат железо во својата структура (не хем), од кои повеќето ја катализираат диоксигенацијата на полинезаситени масни киселини во липидите кои содржат cis,cis-1,4- пентадиен во клеточно-сигнализирачки агенси кои имаат различна функција како автокрина сигнализација кои ја регулираат функцијата на нивните родителски клетки, паракрина сигнализација кои ја регулираат функцијата на околните клетки, и ендокрина сигнализација кои ја регулираат функцијата на далечните клетки.

Липооксигеназите се сродни една на друга во нивната структура и во диоксигенациската активност. Сепак, една липооксигеназа, ALOXE3, иако има липооксигеназна структура, поседува релативно мала диоксигенациска активност; таа воглавно има активност на изомераза и ја катализира претворањето на хидроперокси незаситени масни киселини до нивните 1,5-епоксид, хидроксил деривати.

Липооксигеназите се присутни кај еукариотите (растенија, габи, животни, протисти); додека третиот домен на терестријален живот, археите, поседуваат белковини со мала сличност во аминокиселинската низа (~20%) на липооксигеназите, овие белковини немаат резидуи за врзување на железото и затоа не се проектирани да поседуваат липооксигеназна активност.^[2]