Малев

Malév Hungarian Airlines
Magyar Légiközlekedési Vállalat

IATA ICAO Ознака MA MAH MALEV
Основан	1946
Јазли	Аеродром Будимпешта
Програма за чести летачи	Duna Club
Сојуз	Oneworld
Летала	22
Одредишта	50
Седиште	Будимпешта, Унгарија
Раководство	Péter Leonov (Извршен Директор)
Мрежо место	http://www.malev.hu

Малев (унгарски: Magyar Légiközlekedési Vállalat) беше национален авиопревозник на Унгарија и авиокомпанијата е заснована на аеродромот во Будимпешта. Леташе на 50 одредишта низ 34 земји ширум светот. Малев е член на алијансата Oneworld од април 2007 година.

Компанијата официјално е основана на 29 март 1946 година, кога Унгарско - Советска компанија за цивилно воздухопловство беше формирана. Флотата во тоа време броеше 2 авиона, Li-2 и Po-2. За време на комунистичкиот режим во Унгарија, флотата на Малев се состоеше главно од авиони од советско потекло, од типот Туполев, со кој сообраќаше на одредишта во Европа и Блискиот Исток. Некаде при крајот на комунистичкиот режим, Малев во својата флота додаде авион од типот Боинг 737-200. Моментално флотата на Малев брои вкупно 18 авиони од типот Боинг 737, еден авион од типот Боинг 767, како и неколку авиони од типот Фокер 70 и Бомбардиер CRJ 200. На 12 јули 2007 година, Лојд Пакстон беше назначен за извршен директор на авиокомпанијата. Пакстон беше во одборот на директори на British Airways цели 35 години. На 14 септември 2007 година, Лојд Пакстон даде отказ на работното место, при што, за негов заменик беше назначен Петер Леонов. Со работа престанува на 3 февруари 2012 година кога е прогласен банкрот.

Погледни опширно, Одредишта на Малев.

Авиокомпанијата главно леташе на одредишта низ Европа, но исто така оперираше и на некои одредишта до Северна Америка и Азија. На 29 октомври 2007 година, Малев објави дека ги прекинува северно Американските одредишта за време на зимскиот период, со главна причина дека сообраќајот за време на зимскиот период е драстично намален, и со тоа придонесува загуба за авиокомпанијата.