Михаелис–Ментенова кинетика

Во биохемијата, Михаелис–Ментеновата кинетика е еден од најпознатите модели кои ја опишуваат ензимската кинетика. Наречена е според германскиот биохемичар Леонор Михаелис и канадската докторка Мод Ментен. Овој модел ја опишува брзината на ензимската реакција ${\displaystyle v}$ во случаи каде количеството на супстрат ${\displaystyle [S]}$ е поголемо од количеството на ензим. Равенката е

${\displaystyle v={\frac {d[P]}{dt}}={\frac {V_{\max }{[S]}}{K_{\mathrm {M} }+[S]}}.}$

Во равенката, ${\displaystyle V_{\max }}$ ја претставува максималната брзина која може да се постигне од системот, односно кога сите активни места на ензимот ќе се заситат, при што колку и да се зголемува концентрацијата на супстратот поголема брзина не може да се постигне. Михаелисовата константа ${\displaystyle K_{\mathrm {M} }}$ претставува концентрацијата на супстрат при која брзината на реакцијата е половина од максималната ${\displaystyle V_{\max }}$.^[1]