ОУ „Ванчо Прке“ - Делчево

Ванчо Прке
Поглед на основното училиште
Место
Општина:	Општина Делчево
Наречено по:	Ванчо Прке
Нас. место:	Делчево
Адреса:	бул. „Никола Јонков Вапцаров“, бб
Местоположба
Основни информации
Основано:	1971; пред 54 години (1971)
Директор:	Горан Велков
Број на ученици:	547
Настава на:	македонски
Контактни информации
Мреж. место	vancoprke.edu.mk
Е-пошта	ouvancoprkedelcevo@yahoo.com
Телефон	033/511-399
Факс	033/511-399

Основно училиште „Ванчо Прке“ (официјално: Основно општинско училиште „Ванчо Прке“ - Делчево; скратено: ООУ „Ванчо Прке“) — централно основно училиште во градот Делчево, Општина Делчево.^[1]

Училиштето е именувано по истакнатиот македонски народен херој Ванчо Прке.

Училиштето се наоѓа во централниот дел на градот. Во непосредна близина на училиштето се наоѓа Домот на културата, Градскиот парк и детската градинка „Весели Цветови“.

Објектот на училиштето бил изграден во 1971 година, а настава почнала да се изведува во 1973 година. Зградата е од тврда градба на два ката и подрум и одговара на намената за која е изградена.

Училиштето располага со 31 училница, од кои 15 за одделенска настава и 16 за предметна настава. Сите училници се обезбедени со компјутери и нагледни средства.

Во составот на училиштето влегуваат следниве подрачни училишта:

• ПУ „Ванчо Прке“ - Ѕвегор, подрачно петгодишно училиште; и
• ПУ „Ванчо Прке“ - Габрово, подрачно петгодишно училиште.