ОУ „Единство“ - Гостивар

Основно училиште „Единство“ (порано: Основно училиште „Братство-Единство“; службено: Основно општинско училиште „Единство“ - Гостивар; скратено: ООУ „Единство“) — централно основно училиште во градот Гостивар, Општина Гостивар.^[1][2]

Училиштето е именувано по југословенското мото братство и единство.

Училиштето се наоѓа на ул. „Панче Попоски“, бр. 35, во градот Гостивар.

Училиштето било основано на 29 јуни 1962 година со одлука на Општина Гостивар.^[3]

Во 2008 имало спор околу името на училиштето кога тоа било незаконски преименувано од „Братство-Единство“ во „Башкими“, иако било претходно согласено да биде преименувано во „Единство“.^[4][5]

На крајот училиштето е именувано како Башкими на албански јазик, како Единство на македонски јазик и како Бирлик на турски јазик.

Во училиштето наставата се изведува на албански, македонски и турски наставен јазик.

Во составот на училиштето влегуваат следниве подрачни училишта:

• ПУ „Единство“ - Беловиште, подрачно училиште;
• ПУ „Единство“ - Лакавица, подрачно училиште; и
• ПУ „Единство“ - Циглана, подрачно училиште.