ОУ „Исмаил Ќемали“ - Чаир

Основно училиште „Исмаил Ќемали“ (во минатото: Основно училиште „Рајко Жинзифов“; официјално: Основно општинско училиште „Исмаил Ќемали“ - Чаир; скратено: ООУ „Исмаил Ќемали“) — централно основно училиште во скопската населба Чаир, Општина Чаир.^[1]

Денес, училиштето е именувано по албанскиот политичар и дипломат Исмаил Ќемали, додека во минатото било именувано по истакнатиот македонски преродбеник Рајко Жинзифов.

Во 2012 година, Општина Чаир донела одлука за преименување на четири основни училишта, меѓу кои и училиштето „Рајко Жинзифов“ во „Исмаил Ќемали“, но Управниот инспекторат се противел на одлуката поради непочитување на Бадентеровото мнозинство при носењето на одлуката во советот на општината.^[2] Сепак, во 2021 година, Министерството за образование и наука ги прифатило преименувањата. На 5 мај 2021 година, Уставниот суд не повел постапка за оценување на уставноста и законитоста на донесената одлука од 2012 година.^[3]