ОУ „Никола Карев“ - Радовиш

Основно училиште „Никола Карев“ (службено: Основно општинско училиште „Никола Карев“ - Радовиш; скратено: ООУ „Никола Карев“) — централно основно училиште во градот Радовиш, Општина Радовиш.^[1]

Училиштето е именувано по македонскиот револуционер Никола Карев.

Училиштето се одделило од некогашното ЦОУ „Моша Пијаде“ во учебната 1975/1976 година.

Во училиштето наставата се изведува на македонски наставен јазик. За реализација на наставата се користат 11 училници и 17 кабинети.

Во склоп на училиштето работат и паралелки за основно музичко образование, кое е посебно верифицирано во учебната 1984/1985 година.

Во составот на училиштето влегува следново подрачно училиште:

• ПУ „Никола Карев“ - Бучим, петгодишно подрачно училиште на турски наставен јазик;
• ПУ „Никола Карев“ - Прналија, петгодишно подрачно училиште на турски наставен јазик;
• ПУ „Никола Карев“ - Раклиш, петгодишно подрачно училиште на македонски наставен јазик; и
• ПУ „Никола Карев“ - Тополница, петгодишно подрачно училиште на турски наставен јазик.

• Официјално мрежно место на ОУ „Никола Карев“ - Радовиш Архивирано на 13 мај 2012 г.