ОУ „Синиша Стоилов“ - Зрновци

Синиша Стоилов
Поглед на училиштето
Место
Општина:	Општина Зрновци
Наречено по:	Синиша Стоилов
Нас. место:	Зрновци
Адреса:	ул. „Генерал Аполстолски“, бб, с. Зрновци
Местоположба
Основни информации
Директор:	Кирчо Горгиев
Настава на:	македонски
Контактни информации

Основно училиште „Синиша Стоилов“ (во минатото: Основно училиште „Тодор Арсов“; официјално: Основно општинско училиште „Синиша Стоилов“ - Зрновци; скратено: ООУ „Синиша Стоилов“) — централно основно училиште во кочанското село Зрновци, Општина Зрновци.^[1]

Училиштето е именувано по македонскиот бранител Синиша Стоилов, а во минатото го носело името на учесникот во НОБ Тодор Арсов.

Основано е под името Тодор Арсов, во чест на борецот во НОБ, но во 2009 година е преименувано во чест на локалниот бранител од конфликтот во 2001 година, Синиша Стоилов. Главното училиште се наоѓа во село Зрновци, каде настава посетуваат ученици од Зрновци од прво до деветто одделение и ученици од Мородвис и Видовиште од шесто до деветто одделение. Подрачните училишта се наоѓаат во село Мородвис и во село Видовиште, но во моментов наставата се одржува само во училиштето во Мородвис, каде учат и ученици од соседното село Видовиште, и посетуваат настава од прво до петто одделение.

Спортската сала во село Зрновци е во склоп на основното училиште и таа служи за одржување на наставата по физичко образование и други школски и воншколски активности и настани.