Олимписки парк (Рио де Жанеиро)

Олимпискиот парк во Рио де Жанеиро е група на девет спортски објекти во Бара да Тижука, во западниот дел на Рио де Жанеиро, Бразил, кои ќе бидат искористени за Летните олимписки игри 2016 и за Летните параолимписки игри 2016. Од деветте објекти, седум имаат трајна структура.

На местото на Олимпискиот парк претходно бил поставен Меѓународниот автодром Нелсон Пике, уште познат како Жакарепагва,^[1][2] на чија патека била претходно одржувана Големата награда на Бразил во Формула 1 многупати низ 1980те години, пред да биде преместена на Интерлагос во 1990 година.

Деветте објекти кои ќе бидат користени во Олимпискиот парк се:^[3][4]

• Кариока арена 1: кошарка (капацитет: 16,000)
• Кариока арена 2: борење, џудо (капацитет: 10,000)
• Кариока арена 3: мечување, теквондо (капацитет: 10,000)
• Арена на иднината: ракомет (капацитет: 12,000)
• Центар за водени спортови Марија Ленк: ватерполо, синхронизирано пливање, скокови во вода (капацитет: 5,000)
• Олимписки центар за водени спортови: плејоф натпревари во ватерполо, пливање (капацитет: 15,000)
• Олимписки тениски центар: тенис (капацитет: 10,000 главен терен)
• Олимписка арена Рио: гимнастика (капацитет: 12,000)
• Олимпискиот велодром Рио: велодромски велосипедизам (капацитет: 5,000)

По завршувањето на Летните олимписки и параолимписки игри 2016, третата Кариока арена ќе стане спортско училиште, додека пак останатите шест објекти ќе бидат дел од Олимпискиот тренинг центар кои ќе биде отворен по игрите.^[5][6]

22°58′37″S 43°23′38″W / 22.977°S 43.394°W / -22.977; -43.394