Отворен код

Отворен код (англиски: open source) — бесплатен код на програмска опрема што може секој да го користи, менува и споделува. Тоа им овозможува на луѓето да го видат и менуваат кодот, дизајнот или содржината.^[1] Овој пристап поттикнува екипна работа и споделување во создавањето програмска опрема. Клучната идеја е дека секој може да придонесе, а резултатите, како код или водичи, се достапни за сите. Овој метод започнал како алтернатива на ограничената, сопственичка програмска опрема и денес се користи во различни области како што се технолошки развој и медицински истражувања.^[2]^[3]

Отворениот код им овозможува на сите слободно да пристапуваат и да го споделуваат дизајнот или планот на производот преку отворени или бесплатни лиценци. Пред „отворен код“ да стане вообичаен, се користеле поими како слободна програмска опрема, споделена програмска опрема и програмска опрема од јавна сопственост. Замислата станала популарна со подемот на интернетот. Движењето за отворен код имало за цел да одговори на прашања како авторски права, лиценцирање и права на потрошувачите.

Економија

Многу проекти со отворен код имаат висока економска вредност. Според Battery Open Source Software Index (BOSS), десетте економски најважни проекти со отворен код се:

Ранг	Проект	Компанија	Вредност
1	Linux	Red Hat	16 млрд.
2	Git	GitHub	2 млрд.
3	MySQL	Oracle	1,87 млрд.
4	Node.js	NodeSource	???
5	Docker	Docker	1 млрд.
6	Hadoop	Cloudera	3 млрд.
7	Elasticsearch	Elastic	700 млн.
9	Spark	Databricks	513 млн.
8	MongoDB	MongoDB	1,57 млрд.
10	Selenium	Sauce Labs	470 млн.