Плавно земјиште

Плавно земјиште или плавна рамнина — дел од речна долина што се наоѓа над речното корито и е поплавен за време на надојдени води или за време на порои. Ширината на плавното земјиште на речните долини на рамничарските реки може да биде еднаква со ширината на речното корито или да достигнува неколку десетици пати поголема од него, понекогаш и до 40 км.^[1]^[2]

Делови од поранешното плавно земјиште, кои обично се наоѓаат повисоко од нивото до кое се подига водата за време на високи води или надојдени води, се нарекуваат речни тераси.

Понекогаш се разликуваат неколку нивоа на плавното земјиште, на пример, ниско и високо плавно земјиште.

Се разликуваат крајбрежен (предпоплавен) дел, централен дел, и терасен (преттерасен) дел на плавното земјиште. Терасениот дел обично е благо спуштен, бидејќи главниот дел од наносите се таложи во крајбрежниот дел.

Овој крајбрежен дел често е одделен од речниот тек со стрмен раб, на чие било понекогаш се наоѓаат крајбрежни насипи.

Строеж

Во основата, плавното земјиште е составено од речен нанос, а на врвот — од поплавен нанос, образуван со годишно (или еднаш на секои неколку години) натрупување на речни седименти, пренесени и слоевити за време на висока вода. Во некои случаи, основата на плавното земјиште, направена од карпеста подлога или многу постар алувиум, се наоѓа на површината.

Поврзано

Наводи

↑ Goudie, A. S., 2004, Encyclopedia of Geomorphology, vol. 1. Routledge, New York. ISBN 0-415-32737-7
↑ Kovács, János (2013). „Flood Deposits“. Encyclopedia of Natural Hazards. Encyclopedia of Earth Sciences Series. стр. 325. doi:10.1007/978-1-4020-4399-4_137. ISBN 978-90-481-8699-0.