Платинестата русокоса (филм)

„Платинестата русокоса“ (англиски: Platinum Blonde) — американски филм од 1931 година, во режија на Френк Капра (Frank Capra). Главните улоги ги толкуваат: Џин Харлоу (Jean Harlow), Лорета Јанг (Loretta Young), Роберт Вилијамс (Robert Williams), Реџиналд Овен (Reginald Owen), Волтер Катлет (Walter Catlett), Халивел Хобс (Halliwell Hobbes), Едмунд Бриз (Edmund Breese), Клод Алистер (Claude Allister), Доналд Дилавеј (Donald Dillaway) и Луис Клосер Хејл (Louise Closser Hale).^[1] Снимен на почетокот од Големата депресија, филмот се бави со класните разлики во американското општество. Автори на сценариото се Даглас В. Черчил (Douglas W. Churchill) и Хари Чендли (Harry Chandlee), во соработка со Роберт Рискин (Roberta Riskina) и Џо Сверлинг (Jo Swerling) и Дороти Хауел (Dorothy Howell). Во насловната улога брилјира надарениот глумец Роберт Вилијамс, кој умрел еден месец по премиерата на филмот.^[2]

Стјуарт Смит (го игра Вилијамс) е чесен и скромен новинар кому правилата на работата и личниот углед му се на прво место. Тој добива задача да го истражи скандалот во едно богатото семејство Шајлер кое живее на Лонг Ајленд. Таму, тој ја запознава импулсивната и привлечната ќерка Ен (ја игра Харлоу). Тие започнуваат љубовна врска и стапуваат во брак, но Стјуарт сфаќа дека ја загубил својата лична слобода. Кај шпанскиот амбасадор се одржува прием на кој присуствува и новинарката Галагер (ја игра Јанг), која е најдобрата пријателка на Стјуарт, а истовремено, таа е вљубена во него. Набргу доаѓа до пресметка во весниците меѓу Стјуарт и уредникот на неговиот поранешен весник. На крајот, тој сфаќа дека отсекогаш ја сакал Галагер и дека бракот со Ен бил погрешен чекор.