Предатор: Диви земји

„Предатор: Диви земји“
	Плакатот на филмот
Режисер	Ден Трахтенберг
Продуцент	Џон Дејвис; Ден Трахтенберг; Марк Тобероф; Бен Розенблат; Брент О'Конор;
Сценарист	Патрик Ејсон
Главни улоги	Ел Фанинг; Димитриус Шустер-Колоаманги;
Музика	Бер Макрири
Кинематографија	Џеф Катер
Монтажа	Штефан Грубе
Дистрибутер	20th Century Studios
Премиера	7 ноември 2025 г. (САД); 6 ноември 2025 г. (Македонија)
Земја	САД
Јазик	англиски; + македонски (титла);

Предатор: Диви земји (англиски: Predator: Badlands) — американски научнофантастичен акционен филм од франшизата „Предатор“. Тоа е седмиот филм од главната серија и деветти во целата франшиза. Филмот е режиран од Ден Трахтенберг, сценариото е напишано од Трахтенберг и Патрик Ејсон, а главните улоги ги играат Ел Фанинг и Димитриус Шустер-Колоаманги.

Премиерата на филмот во САД ќе биде на 7 ноември 2025 г., а во Македонија на 6 ноември истата година.

Содржина

Главниот лик е млад Јауџа, или Предатор, кој се стреми да ја добие почитта на својот клан и татко. Во потрага по достоен плен, тој оди во Калиск, или „Планета на Смртта“, населена со исклучително опасна флора и фауна. Како што напредува приказната, Предаторот се здружува со Тија, андроид создаден од корпорацијата Weyland-Yutani. Филмот ја открива културата и општеството на Предаторите, покажувајќи ја нивната матична планета и целосен јазик развиен посебно за филмот.^[1]