Саксонска Шума

Саксонска Шума Sachsenwald
Местоположба на Саксонската Шума во округот Војводство Лауенбург, светлоцрвената е општинската заедница Хое Елбгест
Слободна област
Местоположба:	источно од Хамбург
Покраина:	Шлезвиг-Холштајн
Округ:	Војводство Лауенбург
Општ. заедница:	Хое Елбгест
Површина:	58,49 км2
Население:	официјално ненаселена
Поштенски број:	21521
Повикувачки број:	04104
Администрација:	Рупрехт фон Хаген Am Schloßteich 1 21521 Фридрихсру
Мрежно место:	Sachsenwald.de
Делови:	3 подрачја
Шварце Ау источно од Штангентајх
Биле во северниот дел на Саксонската Шума кај Вицхафе

Саксонска Шума (германски: Sachsenwald) — една од двете слободни области во сојузната покраина Шлезвиг-Холштајн. Другата е Буххолц, во округот Зегеберг. Се наоѓа источно од Хамбург во југозападниот дел на округот Војводство Лауенбург и се граничи со округот Штормарн.

Саксонската Шума зафаќа површина од близу 70 км² и со тоа е најголемата шумска област во Шлезвиг-Холштајн. Припаѓа на општинската заедница Хое Елбгест како слободна област.

Саксонската Шума поделена е на три подрачја:

• Аумиле
• Волторф
• Штангентајх

На пописот на населението од 25 мај 1987 година во областа се запишани шест станбени објекти, сите ненаселени.

Населените делови на шумата припаѓаат како енклави на општината Аумиле.^[1]

Низ Саксонската Шума во насока исток-запад тече Шварце Ау. Долж северозападната граница на областа тече реката Биле, во која кај Аумиле се влева Шварце Ау.

Целокупната долина на Биле е прогласена за природна област.

Областа се состои 94% од шума, одвај три проценти од земјоделска површина и три проценти патишта:^[2]

Саксонската Шума е важна област за одмор за Хамбург. Патишта кои поминуваат низ Саксонската Шума се:

• Автопатот А 24 (4км од исток на запад во северниот дел)
• Сојузниот автопат Б404 (5,5 км од Касебург на север кон Шварценбек на југоисток во источниот дел)
• Покраинскиот пат Л208 (10 км од Гранде на север кон Крепелсхаген-Фарендорф на југ во западниот дел)
• Покраинскиот пат Л314 (6 км од Аумиле на запад кон Дасендорф на југ во западниот дел)

• Низ областа поминува линијата Хамбург-Шверин-Росток во насока исток-запад, на која сообраќа регионалниот воз Р20. Блиски постојки се Аумиле, Фридрихсру и Шварценбек.
• Линијата С21 на хамбуршката С-Железница завршува на постојката Аумиле.

• Замок Фридрихсру со музеј и мавзолеј на Бизмарк (замокот не е јавен)
• Градина на пеперутки во Фридрихсру (отворен цела година)
• Клетергартен
• Фондација Ото фон Бизмарк во железничката станица на Фридрихсру

„Саксонска Шума“ на Ризницата ?

• Официјална страница
• Фондација Ото фон Бизмарк
• Интерактивни карти
• Сојузна служба за природна заштита^{[мртва врска]}

53°32′N 10°22′E / 53.533°N 10.367°E / 53.533; 10.367