Салмакида Салмакида (грчки јазик|Σαλμακίς) во старогрчката митологија била нимфа. МитологијаСалмакида била нимфа Најада од изворот на градот Халикарнас во Карија на југозапад на Анадолија.[1] Според некои извори, била една од лимнадите.[2] Најверојатно била ќерка на речниот бог Меандер.[1] Оваа нимфа ја посакала љубавта на младиот Хермафродит, но срамежливото момче ги отфрлал нејзините бакнежи. Меѓутоа, го привлекол нејзиниот прекрасен извор и тој влегол во водата да се искапе. Нимфата тогаш страсно го прегрнала и побарала од боговите засекогаш да се соедини со него. Боговите и ја исполниле молбата и тие двајцата станале едно тело со одлики на двата пола. Кога видел што му се случило, Хермафродит ги замолил своите божествени родители, Хермес и Афродита да секој кој се искапе во изворот на оваа нимфа да ја доживее истата судбина.[3] Оваа приказна ја запишал Овидиј во „Метаморфозите“.[4] Салмакидина фонтанаОваа фонтана се наоѓа покрај древниот мавзолеј во Халикарнас и денес претставува туристичка атракција во Бодрум во Турција. Се смета дека водата од оваа фонтана има смирувачко дејство. Во античкото време се сметало дека мажите ги прави феминизирани и „помеки “.[5] Во популарната култураГрупата Genesis на албумот Nursery Cryme 1971 ја издала и песната „The Fountain of Salmacis“.[2] БиологијаЛатинското име на оваа личност (Salmacis) е назив за род во рамки на групата морски ежеви.[6] Наводи
Надворешни врски |
Portal di Ensiklopedia Dunia
