Синагога Португезе (Битола, XVI в.)

Синагога „Португезe“
Изгорената синагога „Португезе“ меѓу 1919 и 1929, браќа Манаки
Општи податоци
Статус	урната
Град	Битола
Земја	Македонија
Координати	41°1′56.08″N 21°20′0.26″E / 41.0322444°N 21.3334056°E / 41.0322444; 21.3334056
Завршена	крај на XVI век
Уништена	1917 година

Синагога Португезе — храм на португалските Евреи во Битола изграден во XVI век.^[1].

Синагогата се наоѓала на местото од денешниот хотел „Гранд централ“, на аголот меѓу улиците „Филип II Македонски“ и „Св. Нектариј Битолски“.^[2]

Евреите доселени од Португалија на почетокот за молитва се собирале во синагогата Арагон, а по 1580 години изградиле своја која се наоѓала спроти веќе постојната.^[2]

Во Првата светска војна при бомбардирањето на Битола (1917) синагогата била погодена и изгорела до темел. Не била обновена. Два столба од португалската синагога и денес се наоѓаат во Градскиот парк, кои во првите години по ослободувањето послужиле како постаменти за мермерните статуетки на пионерот и пионерката во Пионерското игралиште.^[3]

Патник ја опишал синагогата како конструкција со три реда столбови што ја потпираат градбата одвнатре и дванаесет величествени куполи на нејзиниот кров, што на зградата и дава изглед на џамија или турски амам.^[2]