Словенечки вооружени сили Словенечките вооружени сили или Словенечка армија се вооружените сили на Словенија. Од 2003 година, тие се организирани како целосно професионална постојана армија. Врховен командант е претседателот на Република Словенија, додека оперативната команда е во надлежност на началникот на Генералштабот на Словенечките вооружени сили. Историја20 век По распаѓањето на Австриско-унгарското царство кон крајот на Првата светска војна, Војводството Штаерска било поделено меѓу новоформираните држави германска Австрија и државата Словенци, Хрвати и Срби. Рудолф Мајстер, словенечки мајор од поранешната австроунгарска армија, го ослободил градот Марибор во ноември 1918 година и го барал за државата на Словенците, Хрватите и Србите. По кратка борба со германските австриски привремени единици, била воспоставена сегашната граница, која најмногу ја следела етничко-јазичната поделба меѓу Словенците и етничките Германци во Штаерска. Кога Словенија прогласила независност на почетокот на војните во Југославија во 1991 година, Словенечката територијална одбрана и Словенечката полиција го сочинувале мнозинството сили кои се бореле против Југословенската народна армија за време на Десетдневната војна. Словенечките вооружени сили биле формалано основани во 1994 година како реорганизација на Словенечката територијална одбранбена сила. Од 2011 година, словенечките војници биле дел од меѓународните сили кои служат во Босна и Херцеговина, Косово, Авганистан, Ирак, Чад и Либан. Словенија е домаќин на Мултинационален центар за извонредност за планинско војување, еден од центрите на извонредност на НАТО, лоциран во Бохињска Бела, Словенија. Тој е „одговорен за обука на поединци и единици за операција на планини и други тешко проодни терени“.[1] Словенечките вооружени сили се организирани како едно грански вооружени сили со армијата како нивна примарна компонента. Персоналот е поделен во 3 категории.
Галерија
Литература
Надворешни врски
Наводи
|
Portal di Ensiklopedia Dunia
