Социјални медиуми

Социјални медиуми — алатки и платформи кои луѓето ги користат на интернет за да споделуваат мислења, искуства, погледи и какви било други информации едни со други. Социјалните медиуми може да користат различни форми: текст, слики, аудио и видео записи. Популарни Социјални медиуми се блоговите, форумите, подкастите, вики-апликациите, влоговите, како и другите форми на социјално вмрежување.

Терминот прва го употребила Тина Шарки, применувајќи го на форма на интернет содржини која ја сочинуваат членови на една заедница во 1997 година, по што го регистрирала доменот "socialmedia.com". Подоцна терминот го популаризирал Крис Шипли, во контекст на обединувањето на блоговите, вики-апликациите, Социјалните мрежи и сродните технологии во една нова форма наречена партиципативни медиуми.

Класификација на социјалните мрежи

Постојат повеќе технологии на кои се засноваат социјалните мрежи вклучувајќи ги Интернет форумите, блоговите, микроблогирањето, викијата, социјалните мрежи, подкастите, фотографиите, видеото, social bookmarking. Со повеќе теории во полето на истражување на медиумите (социјалното присуство и богатството на медиумите) и социјалните процеси (самопретставувањето), Кеплан и Ханлејн ја создаваат класифицираната шема во својот напис „Бизнис Хоризони (2010)“, со шест различни видови на Социјални мрежи: колаборативни проекти (пример: Википедија), блогови и микро-блогови (пример: Twitter), заедница што создава содржина (пример: YouTube), сајтови за поврзување (пример: Facebook), виртуелни гејминг светови (пример: World of Warcraft) и виртуелни социјални светови (пример: Second Life). Додека, технологиите вклучуваат: блогови, споделување на фотографии, влогоби (видео блогови), објавување на ѕидови, и-мејл, инстант допишување, споделување на музика, набавка од мноштво (crowdsourcing) и зборување преку IP (VoIP). Многу од овие сервиси може и се интегрирани во дел од денешните платформи на Социјални мрежи.

Мобилни социјални мрежи

Кога социјалните мрежи се користат со помош на мобилните уреди, тие се нарекуваат мобилни социјални мрежи. Социјалните мрежи се група од апликации за мобилен маркетинг кој им овозможува на корисниците да создаваат и разменуваат содржина. Со оглед на тоа дека мобилните социјални мрежи работат на мобилните уреди, тие се разликуваат од традиционалните социјални мрежи, бидејќи вклучува нови фактори како што се локацијата на корисникот (гео-лоцирање) или доцнењето на испраќаните и приманите пораки. Според Кеплан, апликациите за мобилните социјални мрежи се разликуваат во четири типови:

Локациски и временски (зависни од локацијата и времето): Размена на пораки со релевантност за една специфична локација во одредена точка во исто време (пример: Facebook Places, Foursquare)
Локациски (зависни само од локацијата): Размена на порки со релевантност за само една локација, кои се тагирани на одредено место.
Брзи тајмери (зависни само од времето): Преносот на традиционалните социјални мрежи на мобилните уреди е доста зголемено (пример, Објавување на твитови и статуси)
Бавни тајмери (не зависат ниту од локацијата, ниту од времето): Трансфер на традиционалните социјални мрежи на мобилните уреди (пример, гледање на YouTube видео или читање на статии на Википедија)