Споменик на културата на Албанија

Во Албанија, споменик на културата ( албански: monument kulture) — градба или дело од културна, историска и уметничка вредност што се гради на видлив простор, направено во спомен на значајни настани или истакнати личности. Спомениците на културата обично се под заштита на државата бидејќи се доказ за историјата на човековиот развој, за чие зачувување постои јавен интерес.^[1][2]

Законот бр.9048 од 04.07.2003 година, со наслов „За културно наследство“ го опишува споменикот на културата како објект или градба со историско-културна вредност што е заштитен од државата. Спомениците на културата се класифицирани во две категории:^[3]

Спомениците на културата од прва категорија се објекти од значајна вредност и значење за културното наследство. Тие се зачувани во рамнотежата на нивните архитектонски и технички компоненти. Волуменската композиција, архитектонскиот третман на надворешните и внатрешните погледи, како и планиметриското и функционалното решение на овие споменици не може да се менуваат. Новите згради во нивна близина мора да ги почитуваат растојанијата на заштитениот околен простор.

Спомениците на културата од втора категорија се објекти со значителна вредност, главно по својот надворешен изглед. Тие се зачувани во нивниот волумен и изглед.

Двете категории се прогласени од Министерството за култура.

• Културно наследство на Албанија
• Список на верски културни споменици на Албанија