Стеван Којчинов

Стеван Којчинов
Роден	1924 година Чучер, Скопје, Македонија
Починал	9 ноември, 1944 година Качаничка Клисура, Скопје, Македонија
Почивалиште	Чучер, Скопје, Македонија

Стеван Цветков Којчинов ( 1924 во Чучер, Скопско — 9 ноември 1944 во Качаничка Клисура, Скопско) — македонски партизан, борец за слобода на Македонија и учесник во НОВ.^[1][2]

Основно училиште завршил во родното село. Уште пред да и пристапи на Шеснаесеттата македонска ударна бригада, со своите соселани се борел против балистичките банди што доаѓале во неговото село да го ограбуваат.^[1] Со доаѓањето на Шеснаесеттата македонска ударна бригада, меѓу првите стапил во нејзините редови и учествувал во секојдневните борби против балистите. Учествувал во борбите и против германските моторизирани колони, кои од Грција се повлекувале по Качаничката Клисура. Во една борба против балистите, на 9 ноември 1944 година, храбро загинал кај Глушка Каменица. Бил закопан во своето родно село, Чучер.^[1][2]

• Стоилко Којчинов — македонски партизан, учесник во НОВ^[2]

1. ↑ ^{1,0 1,1 1,2} Беа, загинаа, останаа. Скопје: Историски Архив. 1969. стр. 204. На |first= му недостасува |last= (help)
2. ↑ ^{2,0 2,1 2,2} Стојановски - Цоњче, Бојко (1999). Скопско црногорие: од Бразда до Брњарци - III Книга. Скопје: "Гоце Делчев". стр. 94–95. ISBN 9989-35-022-1.