Суптропски појас

Суптропи — географски и климатски појаси што се наоѓаат помеѓу Северниот и Јужниот Повратник и 35. напоредник на обете полутопки. Присутна е и во тропските предели, на поголеми надморски височини (на пр. во Мексиканската Висорамнина, во Виетнам и во Тајван). Осум месеци во годината имаат просечна температура од барем 10 °C, а во најстудениот месец температурата се движи од 6 °C до 13 °C. Овие подрачја понекогаш се нарекуваат и полутропски.

Голем дел од пустините во светот лежат во суптропскиот појас, што се должи на образувањето на т.н. „суптропски срт“. Во саванските режими во суптропите, дождовната сезона е во летото, со несразмерно голема количина врнежи. Кај средоземните предели, дождовната сезона е во зимата. Подрачјата што се граничат со топли океани се склони на месно обилни дождови поради тропски циклони, кои можат да имаат значаел удел во вкупните годишни врнежи. Во суптропите успеваат растенија како урмата, агрумите, мангото, личито и авокадото и дрва како дрвенестите папрати и секвојата.

Бидејќи цврстиот мраз и снегот се поретки, во овие подрачја успеваат појужни растенија како агруми и урми.^[1] Во подрачјето успеваат портокалите,^[2] но и уште потропски растенија како манго, личи и авокадо, со тоа што замјоделците полесно се справуваат со штетници отколку оние во тропските краишта.^[3]

Од дрвата, присутни се дрвенестите папрати, араукариите и агатисот (Нова Каледонија), а успеваат и змејското дрво и јуката, како и членови од фамилијата тиси (Taxaceae)^[4]

The Subtropical Highland variety (Кепенова класификација: Cfb / Cwb) на океанската клима постои на извишени делови во светот во тропскиот или суптропскиот појас и се одликуваат со ваква клима и покрај наморската височина.

Во пределите во тропите, планинската суптропска клима е практично истоветна на океанската со благи лета, забележително постудени зими и, во некој случаи, скромно количество на снег. Ваквата клима во тропскиот појас обично наликува на пролет преку целата година, со релативно постојата температуре во текот на годината и ретки врнежи од снег. Просечната месечна температура е под 22 °C но над -3 °C. Без извишеноста, овие предели би имале тропски или влажна суптропска клима.

Ваква клима постои во делови од источна, јужна и југоисточна Африка, некои планински предели во јужна Еропа, делови од планинските краишта во Латинска Америка и југоисточна Азија, повисоките места на јужните Апалачки Планини, Мексиканската Висорамнина подолу од 19. напоредник до Морелос,^[5][6] и во делови од Хималаите. Се јавува и во некои предели во Австралија, но просечните летни температури таму се повисоки (понекогаш максималната надминува 40 °C).^[7]

Средоземната клима се јавува во земјите од Средоземјето, делови од Северна Америка и делови од Западна и Јужна Австралија, југозападна ЈАР и делови од централно Чиле. Се одликува со топли суви лета и свежи врнежливи зими,^[8] во местата со под постојано влијание на суптропскиот гребен.

Влажната суптропска клима се одликува со топли влажни лета и топли до свежи зими. Просечните годишни врнежи може да се рамномерно распоредени во текот на целата година (Кепенова класификација: Cfa) или да имаат сува сезона или сушен тренд во зимата.

Обилните врнежи во годината се јавуваат во бури, кои понекогаш и образуваат тропски циклони.^[10] Овој вид на суптропска клима е географски распоредена помеѓу 20 и 40 степени оддалеченост од екваторот.^[11]

Полупустинската (аридна) суптропска клима се одликува со просечна годишна температура од 18,2 °C, отсуството на редовни врнежи и голема влажност. Обично се географски расположени во соседствтото на силни студени океански струи. Примери за ваква клима се крајбрежните предели на јужна Африка (Намибија, ЈАР), јужно од Канарските Острови и крајбрежјата на Перу и Чиле.

• Тропски појас
• Климатски појас