Так (покраина)
Так (тајландски: ตาก, изговор [tàːk]) ― една од седумдесет и шестте покраини (чангват) во Тајланд што се наоѓа во долниот северен Тајланд. Соседни покраини се (од север во насока на стрелките на часовникот) Ме Хонг Сон, Чијанг Мај, Лампун, Лампанг, Сукотај, Кампенг Пет, Након Саван, Утај Тани и Канчанабури. Западниот раб на покраината има долга граница со сојузната држава Карен на Мјанмар. Географија Бумиболовата брана (именувана по кралот Бумибол Адулјадет, старото име ѝ било Браната Јанхе) се наоѓа во под-округот (тамбон) Као Каев Тамбон, округот Сам Нгао во Так и била изградена од 1958 до 1964 година.[4] Ја запира реката Пинг, еден од двата извори на реката Чао Праја.[5][6][7] Создаденото вештачко езеро зафаќа површина од 300 км2 и е најголемо во Тајланд. Националниот парк Таксин Махарат, Националниот парк Намток Па Чароен, Националниот парк Лан Санг и националните паркови Кун Паво се сите во покраината. Заштитеното подрачје за диви животни Тунгјај Наресуан дели половина од предниот дел на езерото со Заштитеното подрачје за диви животни Канчанабури и Хуај Ка Кенг на границата со Утај Тани и се Светско наследство на УНЕСКО.[8][9] На западната страна на покраината Так, ридовите Тенасерим се среќаваат со масивот Давна. Еден од ретките прекунационални патишта и прекугранични точки кон Мјанмар е во Ме Сот. Северозападно од Ме Сот, главниот пат на тајландската страна ја надминува границата додека не се сврти директно на север кон Ме Хонг Сон. Покраината Так зафаќа 17,303 км2 и лежи 426 км северно од Бангкок. Вкупната површина на шумата е 12,455 км2 или 72 проценти од покраинската област. ИсторијаТак била поранешно кралство створено пред повеќе од 2.000 години, дури и пред сухотајскиот период. Античкото кралство го достигнало својот врв околу 1 век. До 5 век, главниот град на ова кралство бил преместен на југ во Лаво (денешна покраина Лопбури). Градот по име Бан Так бил основан од Џамадеви (พระนาง จาม เทวี), принцеза на кралството Лаво, околу 663 н.е. Стана дел од Кралството Сухотај преку битки предводени од Рамкамхенг Велики и ја создал главната тврдина на западниот фронт. Градот бил преместен на запад и преименуван во Муеанг Раханг кога Кралството Ајутаја било загубено од Бурма за време на владеењето на кралот Маха Тамарача. Градот бил преместен на источната страна на реката Пинг во раниот период на бангкокшки период.[10] Кралот Таксин бил вицегувернер на Так пред да падне Кралството Ајутаја за време на војната со Бурма. Бидејќи неговото име било Син, тој бил наречен Так-Син за време на престојот во Так.[11] ДемографијаОколу една четвртина од населението припаѓа на едно од тајландските ридски племиња: Јао, Карен (тајландски Каријанг), Ака, Лаху (тајландски: Мусо), Хмонг (tајландски: Монг) и Лису (тајландски: Лисав/Лисау).[12] Најголемото племе во Так е Карен.[13] БегалциСпоред податоците на УНХЦР од 2008 година, речиси 95.000 од тајландските 121.000 регистрирани бегалци од Бурма биле сместени во неколку бегалски кампови во покраината Так, од кои кампот Ме Ла е најголем со околу 45.000 каренски бегалци.[14] Административни единици Покраинска властПокраината е поделена на девет окрузи (ампои). Овие се дополнително поделени на 63 под-окрузи (тамбони) и 493 села (мубани).
Наводи
Надворешни врски
|
||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
