Тајар Тетова

Тајар Тетова (турски: Kalkandelenli Tayyar)^[1] — бил албански воен командант и водач на албанските чети во јужна Албанија и Македонија.

Роден во Калканделен (денешно Тетово) кон крајот на 19 век,^[2] Тајар бег Тетова потекнувал од благородничко земјопоседничко семејство.^[3] Тетова се издигнал низ воените чинови на Отоманската империја, станувајќи капетан во османлиската војска.

Во 1908 година бил испратен од Отоманската империја да ги поддржи османлиските трупи против албанските востанија во Монастир (денешна Битола). На 22 јуни 1908 година, Тајар работејќи заедно со Башкими од Монастир, бунтувале и побегнале во планините со седум офицери и 150 албански војници за да им се придружат на јужните албански тоски револуционери.^[4] Тој формирал воена лига, барајќи младотурската влада да даде отставка и да се спроведат општи избори тврдејќи дека постојниот кабинет бил избран под терористичка пропаганда на Младотурскиот комитет.^[5] Тетова и неговите војници го зеле целото оружје и муниција, како и два тешки митралези од турските трупи во Монастир.^[6] Тетова своето востаничко движење го проширил во областите на Дибра, Корче и Колоња. Тетовската група се споила со борците на Сали Бутка и заедно се бореле против напаѓачите на Албанија.^[7]

Кратко време ја извршувал функцијата градоначалник на Елбасан.^[8] По него е именувана и улица во градот Елбасан.