Трахома

Трахома
Синоними	Грануларен конјуктивит, заслепувачка трахома, Египетска офталмија[1]
Специјалност	Заразна болест
Симптоми	Болка во очите, слепило[2]
Причинители	Chlamydia trachomatis[2]
Ризик-фактори	Пренаселеност, недостиг на чиста вода и тоалети[2]
Спречување	Масовен третман, подобрување на санитарните услови[3]
Лекување	Лекови, хирургија[2]
Лекови	Азитромицин, тетрациклин[3]
Честота	80 милиони[4]
[уреди на Википодатоци]

Ве молиме, обрнете внимание на ова важно предупредување во врска со темите од областа на медицината (здравјето).

Трахома, позната уште како грануларен конјунктивит, Египетска офталмија,^[5] и заслепувачка трахома е заразна болест предизвикана од бактеријатаКламидија трахоматис.^[2] Инфекцијата предизвикува стврднување на внатрешната страна од очните капаци. Ова стврднување може да предизвика болка во очите, оштетување на надворешната страна на рожницата од очите, а можно е да дојде и до појава на слепило.^[2]

Бактеријата која ја предизвикува болеста може да се шири и преку директен и индиректен контакт со инфицираните очи или нос на заразената личност.^[2] Индиректниот контакт може да биде преку облека или инсекти кои претходно биле во контакт со очите или носот на инфицираната личност.^[2] Потребни се голем број на инфекции низ годините за да можат да го оштетат очниот капак за тој да биде толку цврст, за трепките да почнат да се спојуваат со окото. ref name=WHO2013/> Децата почесто ја шират болеста од возрасните.^[2] Лошите санитарни услови, пренаселените места и недоволно чистата вода предизвикуваат побрзо ширење на болеста.^[2]

Напорите што се прават за спречување на болеста вклучуваат подобрен пристап до чиста вида и намалување на бројот на инфицирани поединци преку лекување со антибиотици.^[2] Ова може да вклучува и истовремено лекување на поголеми групи на луѓе, каде што се знае за присуството на болеста.^[3] Само чистењето не е доволно за спречување на болеста, но може да биде корисно заедно со другите мерки.^[6] Можностите за лекување вклучуваат орално земање на лекот азитромицин или локално со тетрациклин.^[3] Повеќе се препорачува азитромицин зашто орално се зема само еднаш.^[7] Откако ќе настане оштетување на очниот капак, се препорачува операција за да се вратат трепките во претходната положба и да се спречи слепило.^[2]

На светско ниво, околу 80 милиони луѓе се активно инфицирани.^[4] Во некои делови од светот, инфекциите се присутни кај 60 % до 90 % кај децата и поприсутни се кај жените отколку кај мажите поради поблискиот контакт со деца.^[2] Болеста е причина за послаб вид кај 2,2 милиони луѓе од кои 1,2 милиони луѓе се слепи.^[2] Најчесто се појавува во 53 држави во Африка, Азија, Централна и Јужна Америка, во кои 230 милиони луѓе се на ризик.^[2] Ова е причина за загуба на 8 милијарди долари секоја година.^[2] Болеста припаѓа на групата на болести, позната како запоставени тропски болести.^[4]

1. ↑ Swanner, Yann A. Meunier ; with contributions from Michael Hole, Takudzwa Shumba & B.J. (2014). Tropical diseases : a practical guide for medical practitioners and students. Oxford: Oxford University Press, USA. стр. 199. ISBN 9780199997909. Архивирано од изворникот на 2017-09-08.
2. ↑ ^{2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15} „Blinding Trachoma Fact sheet N°382“. World Health Organization. November 2013. Посетено на 14 March 2014.
3. ↑ ^{3,0 3,1 3,2 3,3} Evans JR1, Solomon AW (March 2011). „Antibiotics for trachoma“. Cochrane Database Syst Rev. 16 (3): CD001860. doi:10.1002/14651858.CD001860.pub3. PMID 21412875.
4. ↑ ^{4,0 4,1 4,2} Fenwick, A (Mar 2012). „The global burden of neglected tropical diseases“. Public health. 126 (3): 233–6. doi:10.1016/j.puhe.2011.11.015. PMID 22325616.
5. ↑ Swanner, Yann A. Meunier ; with contributions from Michael Hole, Takudzwa Shumba & B.J. (2014). Tropical diseases : a practical guide for medical practitioners and students. Oxford: Oxford University Press, USA. стр. 199. ISBN 9780199997909.
6. ↑ Ejere, HO; Alhassan, MB; Rabiu, M (Apr 18, 2012). „Face washing promotion for preventing active trachoma“. The Cochrane database of systematic reviews. 4: CD003659. doi:10.1002/14651858.CD003659.pub3. PMID 22513915.
7. ↑ Mariotti SP (November 2004). „New steps toward eliminating blinding trachoma“. N. Engl. J. Med. 351 (19): 2004–7. doi:10.1056/NEJMe048205. PMID 15525727.