Трофазна струја

Трофазна струја е систем од три назименични струи меѓу кои има фазно поместување. Фазното поместување помеѓу напоните на одделните фази во симетричен трофазен систем изнесува 120° (2π/3 радијани).

Системот шематски се прикажува со помош на три вектори кои ротираат. Векторскиот збир на напоните на сите три фази е еднаков на нула. Од векторскиот приказ може да се пресмета дека напонската разлика помеѓу било кои две фази е ${\displaystyle {\sqrt {3}}}$ пати поголема од напонот на секоја поединечна фаза.

Трофазниот систем е најчесто користен повеќефазен систем и на него се заснива денешниот глобален електроенергетски систем.

Проводниците во трофазниот систем вообичаено се идентификуваат според бојата на нивните изолатори. Боите би требало да соодветствуваат на меѓународниот стандард IEC 60446, но во пракса се среќаваат и имплементации на постари стандард или не се практикуваат никакви стандарди и можно е да има различни имплементации и во една иста инсталација. Пример во Канада и САД различни бои се користат за заземјени и незаземјени системи.

• Честотен претворач
• Значајни личности
  • Никола Тесла
  • Џон Хопкинс