ФК Сент Етјен

Сент Етјен
Сент Етјен
Целосно име	АС Сент Етјен Лоар
Држава	Франција
Прекар	Sainté (Светци), ; Les Verts (Зелени)
Основан	1933
Стадион	Стад Жофроа-Гишар; Сент Етјен, Франција
Сместивост	41,965
Сопственик	Cesse Foot (44%); France Croissance Foot (44%); Association ASSE (12%)
Претседател	Бернар Кајасо
Тренер	Клод Пуел
Лига	Лига 1
2019–20	Лига 1, 17-ти
Мреж. место	Службено мрежно место
Домашни бои	Гостински бои
	Тековна сезона

АС Сент Етјен Лоар (честопати се нарекува АС Сент Етјен или скратено АССЕ) е француски фудбалски клуб со седиште во градот Сент Етјен, Оверњ-Рона-Алпи. Клубот е основан во 1933 година и моментално игра во Лига 1, највисоката дивизија на францускиот фудбал.

Сен-Етјен има освоено рекордни десет титули во Лига 1, како и шест титули во Купот на Франција, една титула во Лига купот и пет Суперкупа на Франција. Исто така клубот го има освоено и Лига 2 првенството - втората лига по ранг во Франција - во три наврати. Најголемиот дел од своите успеси Сент Етјен ги остварил во 1960-тите и 1970-тите години, кога клубот го воделе тренери како Жан Снела, Алберт Бате и Робер Ербен.

Сент Етјен ги игра своите домашни натпревари на стадионот Стад Жофроа-Гишар. Најчесто играат во зелени дресови и бели шорцеви, а поради тоа имаат прекар Les Verts (зелените). Главен соперник на клубот е Олимпик Лион, со кого го играат дербито Рона-Алпи.