Хрватска енциклопедија

Хрватска енциклопедија
	Првите пет тома на Хрватската енциклопедија
Уредник	Далибор Брозовиќ, Томислав Ладан и др.
Изворен наслов	Hrvatska enciklopedija
Земја	Хрватска
Јазик	хрватски
Предмет(и)	општа
Жанр	прирачна енциклопедија
Издавач	Лексикографски завод „Мирослав Крлежа“
Издадена	1999–2009
Медиум	11 тома (тврда подвеска)
ISBN	953-6036-31-2
OCLC	247866724
Original text	Hrvatska enciklopedija online

Хрватска енциклопедија (хрватски: Hrvatska enciklopedija) — национална енциклопедија на Хрватска која ја издава Лексикографскиот завод „Мирослав Крлежа“^[1] (порано „Југословенски лексикографски завод“).

Историјат

Проектот започнал во 1999 г. и претставува петти ваков потфат, почнувајќи од Хрватска енциклопедија на Мате Ујевиќ и продолжила како Општа енциклопедија на Југословенскиот лексикографски завод, како и две изданија на Општа енциклопедија.^[1]

Во периодот од 1999 до 2009 г. се издадени единаесет тома — по еден том годишно. Почувајќи од 2010 г. се изготвува семрежно издание на енциклопедијата, дополнета со нови мултимедијални содржини.^[2] Слободното семрежно издание е пуштено во септември 2013 г. Печатењето е запрено и сета понатамошна работа се одвива исклучиво во бази на податоци, кои се основа за семрежното и други мултимедијални изданија на енциклопедијата.^[3]

Томови

Том	Главен уредник	Година	Страници
I. : A – Bd	Далибор Брозовиќ	1999	674
II. : Be – Da		2000	723
III. : Da – Fo		2001	722
IV. : Fr – Ht		2002	753
V. : Hu – Km	Аугуст Ковачец	2003	725
VI. : Kn – Mak		2004	786
VII. : Mal – Nj		2005	814
VIII. : O – Pre	Славен Равлиќ	2006	773
IX. : Pri – Sk		2007	842
X. : Sl – To		2008	830
XI. : Tr – Ž		2009	859

Печатените томови опфаќаат вкупно 9.272 страници, содржат 67.077 статии со вкупно 1.059.000 реда текст.^[3] Делото е здружена работа на 1.070 автори, претежно соработници.^[3] Секој еден томо е работа на 20 до 30 вработени во Лексикограгскиот завод и 300-400 соработници.