Црква „Воведение на Пресвета Богородица“ - Љубојно
Воведение на Пресвета Богородица (или Св. Богородица Пречиста) — црква во преспанското село Љубојно. Му припаѓа на Ресенското архијерејско намесништво во Преспанско-пелагониската епархија на МПЦ - ОА. Црквата е сместена во источниот дел на селото. Низ годините врз неа се извршени многу промени.[1] Претставува мала еднокорабна градба со полукружна апсида на исток и влез од запад.[1] На југозападниот агол има немалтерисан камен на кој е издлабена годината 1852. Дел од иконите на иконостасот исто така говорат дека во средината на ХІХ век се направени големи измени во храмот.[1] Другиот дел од иконите се од периодот од 1929 до 1937 година.[1] На источниот ѕид на олтарниот простор е зачуван живопис, кој според стилските особености се датира во XVII век.[1][2] Внимание заслужуваат композициите „Богородица со Христос“ во калотата на апсидата и „Вознесение Христово“ во горните партии.[1][3] Слики
ПоврзаноНаводи
Надворешни врски
|
||||||||||||||||||||||||||||||||||||
Portal di Ensiklopedia Dunia
