Црква „Вознесение Христово“ - Владимирово

Местоположба
Вознесение Христово

Поглед на црквата
македонска православна црква
Епархија	Струмичка

Координати	41°42′40.2″N 22°47′36.6″E / 41.711167°N 22.793500°E / 41.711167; 22.793500
Место	Владимирово
Општина	Берово
Држава	Македонија
Општи податоци
Покровител	Исус Христос
Изградба	1840
Завршено	1846
Осветување	1842
Изгорена	1 ноември 2014
Архитектонски опис
Архит. тип	трикорабна

Вознесение Христово (позната и како Свети Спас) — главна селска црква во малешевското село Владимирово, Општина Берово.^[1]

Историја

Градбата била започната во 1840 година, била осветена во 1842 година, а завршена во 1846. Во минатото, црквата служела и како училиште и полициска станица. Во црквата е откриен „Летопис на црквата на Св. Вознесение Христово“, како и книга на приходи, расходи и инвентар, каде се забележани детали за градбата, инвентарот, градењето на новата училишна зграда, направените трошоци.^[2]

Пожар

Црквата потполно изгорела на 1 ноември 2014 година. Официјално, причините за пожарот (кој избувнал околу 10 часот наутро) не се познати, но се претпоставува дека пожарот се проширил од свеќникот во непосредна близина на олтарот.^[3] Од црквата останале само камените ѕидови, крстилницата и камбанаријата, а внатрешноста била целосно уништена, заедно со старите и вредни икони.^[4] По пожарот, повеќе истакнати жители по потекло од селото дале парични придонеси за обнова на црквата, како: Благоја Ханџиски, Снежана и Љубчо Георгиевски, Фондацијата „Д-р Михаил Левенски“ итн.^[5]

Архитектура

Градбата е трикорабна црква со полукружна апсида. Посебен впечаток во црквата оставаат десетте дабови столбови, кои со секира се оформени во шестострани правилни призми.^[2]

Иконостас

Иконите на иконостасот се работени на Света Гора и се подарок на месното население.^[2]

Галерија

Камбанаријата на новата градба
Поглед на двете камбанарии на црквата
Плоча на самата црква
Поглед на црквата
Плоча на црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ ^2,0 ^2,1 ^2,2 Илиевска-Арсова, Весна (2011). „Пијанец-Малеш, изобилство од сонце и насмевки!“ (PDF). Штип: Центар за развој на Источен плански регион. стр. 34. Посетено на 8 март 2017.^{[мртва врска]}
↑ „Изгоре црквата „Вознесение Христово" во Владимирово“. Дневник. МПМ Македонија. 1 ноември 2014. Архивирано од изворникот на 2016-10-11. Посетено на 1 ноември 2014.
↑ „Пеплосан и непроценливиот иконостас од Света Гора“, Дневник, година XVIII, број 5607, понеделник, 3 ноември 2014, стр. 16.
↑ „Се собираат донации за обнова на изгорениот храм Св. Спас“, Дневник, година XVIII, број 5610, четврток, 6 ноември 2014, стр. 18.