Црква „Вознесение Христово“ - Црешево
Вознесението Христово или попозната како Свети Спас претставува православна црква во скопското село Црешево.[1] Црквата била изградена околу 1850 година. Во нејзината близина се наоѓало и старо црквиче посветено на св. Јован, во чија околина биле сместени и најстарите гробишта на месното население. Црквата „Св. Спас” е меѓу најстарите цркви во овој реон, а богатата орнаментика, а особено старите фрески и икони, кои потекнуваат од 1853 и 1858 година, ја вбројуваат оваа црква во верски објекти од непроценливо национално значење. Во 1854 година Дичо Зограф работи на иконостасот во црквата. Ги изработил престолните икони и ги потпишал и датирал во 1854 година. Покрај иконите со апостолите со деисисот, ги насликал и празничните икони како и Распетието со Богородица и Јован Крстител. Иако не се потпишани и датирани, судејќи според стилот и типот на светителите, Дичо ги насликал и малите икони за целивање од иконостасот. По завршувањето на работата во село Црешово, Дичо изработил повеќе икони кои денес се наоѓаат во црквата Св. Спас, во Скопје. Галерија
Поврзано
Наводи
Надворешни врски
|
||||||||||||||||||||||||||||||||||||
Portal di Ensiklopedia Dunia
