Црква „Св. Атанасиј“ - Мачево

Местоположба
Свети Атанасиј

Поглед на црквата
македонска православна црква
Епархија	Струмичка

Координати	41°45′00″N 22°48′06″E / 41.75000°N 22.80167°E / 41.75000; 22.80167
Место	Мачево
Општина	Берово
Држава	Македонија
Општи податоци
Покровител	Свети Атанасиј
Завршено	1932
Архитектонски опис
Архит. тип	еднокорабна

Свети Атанасиј (позната и само како Свети Атанас) — главна селска црква во малешевското село Мачево. Црквата е сместена во југозападниот дел од селото, од леваата страна на патот кој води кон мост на реката Брегалница. Во нејзина непосредна близина, од спротивната страна на патот се сместени селските гробишта.

Историја

Според натписот над влезната врата, црквата е изградена во 1932 година на местото на постара црква.^[1]

Архитектура

Градбата на црквата е еднокорабна и има правоаголна основа, со петострана апсида во задниот дел. Целата градба е малтерисана и е обоена во бела боја. Над влезната врата се испишани годините 1932, кога црквата најверојатно била изградена, и 1952. Иконите во црквата се изработени од локални зографи и се подарок од месното население.^[1]

Камбанаријата на црквата се издига од кровот над влезната врата. На нејзината предна страна е испишан датумот 8 октомври 1975 година. Од левата страна на црквата се наоѓа трпезаријата.

Галерија

Селските гробишта
Селските гробишта

Поврзано

Наводи

↑ ^1,0 ^1,1 Илиевска-Арсова, Весна (2011). „Пијанец-Малеш, изобилство од сонце и насмевки!“ (PDF). Штип: Центар за развој на Источен плански регион. стр. 36. Посетено на 19 јануари 2017.^{[мртва врска]}