Црква „Св. Димитриј“ - Путурус

Местоположба
Свети Димитриј

Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Добрушевско-дедебалска

Координати	41°08′07.8″N 21°31′56.9″E / 41.135500°N 21.532472°E / 41.135500; 21.532472
Место	Путурус
Општина	Могила
Држава	Македонија
Општи податоци
Покровител	Димитриј Солунски
Завршено	1880
Архитектонски опис

Свети Димитриј — главна селска црква во селото Путурус.^[1] Црквата е сместена во крајниот источен дел од селото, на возвишение кое ѝ дава доминантна местоположба во однос на остатокот од селото.

Историја

Црквата била изградена во 1880 година.^[2]

Еден дел од црквата бил обновен пред околу сто години.^[3]

Архитектура

Градбата на црквата има правоаголна основа. Главниот влез се наоѓа на западната страна, а на јужната страна има спореден влез. Над обата влеза има ниша со фреска. Објектот во целост е обоен во бела боја со исклучок на цоклето, рабовите и рамките околу влезните врати кои се бледосини.

Во дворот на манастирот се сместени камбанаријата, помошен објект и селските гробишта. Камбанаријата се наоѓа од левата страна пред главниот влез на црквата. Таа има квадратна основа и нејзиниот влез е од јужната страна.

Галерија

Западната страна на црквата
Камбанаријата
Помошниот објект
Селските гробишта

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 14. ISBN 978-608-65143-2-7.
↑ „Путурус Архивирано на 25 ноември 2018 г.“. Мој Роден Крај.
↑ Трифуноски; Јован Ф. (1998). Bitoljsko-Prilepska kotlina : antropogeografska proučavanja. Белград: Српска академија на науките и уметностите. ISBN 8670252678. OCLC 41961345.