Црква „Св. Илија“ - Дрен (Прилепско)

Местоположба
Свети Илија

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Плетварско-беловодичка

Координати	41°19′22.2″N 21°46′48.1″E / 41.322833°N 21.780028°E / 41.322833; 21.780028
Место	Дрен
Општина	Прилеп
Држава	Македонија
Општи податоци
Покровител	Пророк Илија
Изградба	XIX век (со неколку обнови, најнова 2008 - 2014)
Осветување	2014 (најнова)
Архитектонски опис

Св. Илија — црква и манастир во прилепското село Дрен. Му припаѓа на Прилепското архијерејско намесништво во Преспанско-пелагониската епархија на МПЦ - ОА.

Дренскиот манастир е сместен на 1 км јужно од селото. Изграден е во текот на XIX век,^[1] но на почетокот на XX век црквата била во урнатини, и од неа е зачуван само престолот. Се смета дека манастирот бил уништен од Турци. Во 1950 г. благодарение на ктиторот Цветко Георгиоски е изградена малка црквичка, каде мештаните се собирале на Илинден и Арангеловден. Подоцна на нејзино место е изграден поголем грам, осветен на 2 август 1972 г. од митрополитот Методиј Дебарско-кичевски. Во 2008 г. таа црква е срушена, па на 7 јуни 2008 г. се осветени темелите на новиот манастирски храм. Завршената црква е осветена на 26 април 2014 г. од митрополитот Петар Преспанско-пелагониски.^[2]