Црква „Св. Никола“ – Пирин

Свети Никола
41°32′41″N 23°33′40″E / 41.54472°N 23.56111°E / 41.54472; 23.56111
Место	Пирин, Светиврачко
Земја	Пиринска Македонија, Бугарија
Вероисповед	Бугарска православна црква
Архитектура
Статус	споменик на културата
Архит. тип	трикорабна псевдобазилика
Завршена	1885
Управа
Архијерејско намесништво	Свети Врач
Епархија	Неврокопска

Свети Никола — црква во Пирин, Светиврачко, Пиринска Македонија, денес во општината Свети Врач, Бугарија. Влегува во состав на Неврокопската епархија на Бугарската православна црква.

Црквата била обновена во 1885 г. од зографот Димитар Неделчев на темелите на постар храм. Негово дело е и иконата на „Св. Архангел Михаил“.^[1]

Градбата претставува трикорабна псевдобазилика со рамен дрвен касетиран таван. Иконостасот е делумно изрезбан, како и проскинитарот и владичкиот престол.^[2]

По битката кај врвот Кукла во Илинденското востание во 1903 година, отсечените глави на војводата Спиро Петров и Димитар Гајгуров биле дадени од Турците на жителите на селото Пирин, кои ги закопале до апсидата на црквата. Во 1906 г. во црквата биле закопани и коските на другите борци кои загинале во битката.^[3]

Црквата е прогласена за споменик на културата.^[2]

1. ↑ Енциклопедия „Пирински край“, том I. Благоевград: Редакция „Енциклопедия“. 1995. стр. 360. ISBN 954-90006-1-3.
2. ↑ ^{2,0 2,1} Енциклопедия „Пирински край“, том II. Благоевград: Редакция „Енциклопедия“. 1999. стр. 119. ISBN 954-90006-2-1.
3. ↑ Тасев, Христо. Събитията в района на село Пирин през 1903 г. – В: 90 години Илинденско-Преображенско въстание, София, 1994, стр. 174.