Црква „Св. Никола“ - Бродец

Местоположба
Свети Никола

Поглед на црквата
македонска православна црква
Епархија	Тетовско-гостиварска
Архијерејско намесништво	Гостиварско
Парохија	Мавровска

Координати	41°47′07.7″N 20°41′04.9″E / 41.785472°N 20.684694°E / 41.785472; 20.684694
Место	Бродец
Општина	Гостивар
Држава	Македонија
Општи податоци
Покровител	Свети Никола
Изградба	XIX век
Архитектонски опис

Свети Никола — главна селска црква во горнореканското село Бродец. Црквата се наоѓа во средишниот дел на селото.

Историја

Црквата е изградена во текот на XIX век.

Архитектура

Градбата на црквата има правоаголна основа, со полукружна апсида на источната страна. Од средишниот дел на покривот се издига осумаголна купола, којашто содржи по еден затворен правоаголен прозорец на јужната, северната, западната и источната страна. Влезната врата се наоѓа на јужната страна, а над неа има ниша со фреска на којашто е претставен Свети Никола. Внатрешноста на црквата е живописана, а фрескописот и иконостасот биле изработени од членови на мијачката зографска школа.

Дворот на црквата е ограден со бетонска ограда. Камбанаријата е сместена непосредно до западниот ѕид на црквата. Таа се состои од два дела, од кои првиот е изграден од камен и содржи залачени отвори на јужната и северната страна, додека вториот претставува шестаголна метална конструкција со пирамидален дрвен кров.