Чекајќи ги варварите (филм)

„Чекајќи ги варварите“ (англиски: Waiting for the Barbarians) – филм на режисерот Сиро Гера (Ciro Guerra) од 2019 година, снимен по сценариото на Џон Максвел Куци (J. M. Coetzee). Филмот е заснован врз истоимениот роман на Куци од 1980 година. Главните улоги ги играат: Марк Рајланс (Mark Rylance), Џони Деп (Johnny Depp), Роберт Патинсон (Robert Pattinson), Гана Бајарсајкан (Gana Bayarsaikhan) и Грета Скаки (Greta Scacchi).^[1]

Филмот ги прикажува моралните дилеми на магистратот, верниот службеник на царството, кој работи во мал град во близина на границата и упорно ги затвора очите пред неизбежната војан со „варварите“. Меѓутоа, откако ќе стане сведок на суровото и неправедно постапување со воените заробеници, тој ја преиспитува својата улога во режимот и се решава на смел чин - да крене бунт...