Чиполата

Чиполата ― вид на свеж колбас, најверојатно создаден во Франција. Колбасите со тоа име се појавуваат во изданието на Ескофјеовиот „Кулинарски еснаф“ („Le guide culinaire“) од 1903 година.^[1] Чиполата често се подготвува како релативно тенок и краток колбас.

Чиполата обично се прави од крупно мелено свинско месо зачинето со сол и бибер заедно со билки и зачини — според конкретниот рецепт — како жалфија, мајчина душица, пименто или морско оревче.^[2] Зборот е француски и веројатно потекнува од италијанскиот збор чиполата (cipollata), што во суштина значи „направено со кромид“ и според некои извори можеби се однесува на чорба од кромид со колбаси.^[3]

Чиполатите се вообичаени во Обединетото Кралство. Тие често се појавуваат како дел од божиќната вечера завиткана во сланина како „свињи во ќебиња“.

Гарнитурата а ла чиполата се состои од кромид, колбаси од чиполата, костени, солено свинско месо, а понекогаш и моркови во сос од демиглас или мадеирскисос.^[4]

Во Швајцарија позастапен е италијанскиот правопис cipollata. Исто така, колбасот обично содржи телешко и млеко, покрај свинско. Таа чиполата е пржена или на скара и често се служи на децата. Чиполатата има вкус и изгледа како мала верзија на братвурстот.^{[се бара извор]}

• Список на колбаси