Шерон Гамсон Данкс е американска дизајнерка на еколошки пејзажи, позната по своето застапување за еколошки училишни дворови.[1][2][3][4][5] Во 2013 година, таа ја основала непрофитната организација Грин скулјардс Америка за да промовира здрави градски еколошки училишни дворови.[6][7] Таа дизајнирала игралишта на отворено со расцутени градини, засенчени езерца и патеки во природа.[8][9] Нејзината книга „Асфалт до екосистеми: дизајнерски идеи за трансформација на училишниот двор“ опишува начини како да се трансформира „асфалтот од традиционалното училиште во градини за производство на храна“[10][11] и ја доби наградата на Американското здружение на пејзажни архитекти во 2012.[12][13]
Во мај 2020 година, за време на пандемијата КОВИД-19, Данкс, заедно со Грин скулјардс Америка и неколку други организации, ја основале Националната иницијатива за учење на отворено КОВИД-19 за да им овозможи на американските основни училишта да се организира настава на свеж воздух со што се намалува преносот на вируси.[14][15][16] Таа помогнала да се создаде онлајн ресурс наречен Национална библиотека за учење на отворено за да им помогне на едукаторите да ги планираат своите часови за учење на отворено.[17] Библиотеката на интернет содржи шаблони за изградба на простори за училници на отворено и планови за часови.[18]
