Шошонски јазик

Шошонскиот (Sosoni' ta̲i̲kwappe) е нумиски јазик од јазичното семејство на јутоацтечки јазици. Овој јазик се зборува во западни САД и е мајчин јазик на Шошоните. Јазикот се зборува во Вајоминг, Јута, Невада и Ајдахо.

Шошонскиот има шест самогласки, кои разликуваат должина.^[1] Согласките во шошонскиот јазик се релативно малубројни во спредба со останати староседелски јазици. Шошонскиот е богат со наставки, кои се клучни во јазикот. Јазикот исто така располага со граматички број, падеж, како и глаголски вид (аспек) и време. Зборовниот редослед во јазикот е слободен, но има знаци на следење на зборовен редослед подмет-предмет-прирок.^[2]

Шошоните го именуваат јазикот или како „народен јазик“ (newe ta̲i̲kwappe) или како „шошонски јазик“ (Sosoni' ta̲i̲kwappe).^[3] Јазикот е класифициран како загрозен јазик, но во последните години во тек е проект за ревитализирање (јазично оживување).^[4]

Шошонскиот е најсеверен јазик од семејството на јутоацтечки јазици.^[5] Во рамките на тоа јазично семејство, јазикот е дел од групата на нумиски јазици. Најсродни јазици на шошонскиот се тимбишанскиот и команчејскиот јазик. За тимбишанскиот се верува дека засебен јазик во оваа јазична подгрупа^[6], додека за команчејскиот се верува дека шошонскиот и команчејскиот се одделиле од еден ист јазик во 1700 година. Јазиците имаат ограничена меѓусебна разбирливост.^[7]

Шошонскиот е составен од следните главни дијалекти: западен дијалект во Невада, гошутски дијалект во Јута, северен дијалект во Ајдахо и источен во Вајоминг.^[4] Дијалектните разлики се на фонолошка основа.

• Шошони
• Јутоацтечки јазици

Викимедииниот Инкубатор испробува Википедија на шошонски јазик

• Шошонски јазичен проект
• Видео игра за шошонскиот Архивирано на 21 септември 2017 г.
• Шошонски јазичен проект, Државен универзитет во Ајдахо Архивирано на 16 октомври 2011 г.
• Шошонски речник
• Ресурси за шошонскиот