More Than a Married Couple, But Not Lovers
More Than a Married Couple, But Not Lovers (буквално: Повеќе од брачен пар, но не љубовници, јапонски: 夫婦以上、恋人未満。) — јапонска манга напишана и илустрирана од Јуки Канамару. Била серијализирана во сеинен-списанието Young Ace на Kadokawa Shoten од март 2018 г. Од март 2025 г., серијата е собрана во тринаесет тома танкобон. Дополнително, мангата била адаптирана во аниме-серија од Studio Mother, која се прикажувала од октомври до декември 2022 г.[1][2] СодржинаЏиро Јакуин, средношколец и самопрогласен интроверт, претпочита да го поминува времето играјќи видеоигри отколку да се дружи. Тој негува невозвратени чувства кон неговата другарка од детството, Шиори Сакуразака. Меѓутоа, неговото училиште воведува програма за обука на парови (јап. 夫婦実習), каде што учениците се спаруваат за да развијат вештини за општествена и екипна работа преку симулирање на брачен живот. Тие се внимателно следени и оценувани за тоа колку добро соработуваат. Додека Џиро се надева дека ќе биде спарен со Шиори, наместо тоа, тој е спарен со Акари Ватанабе, гјару што го смета за одбивен и повеќе би сакала да биде споена со популарниот училиштен идол, Минами Тенџин. Откако дознаваат дека можат да ги сменат партнерите со заработување доволно бодови, Џиро и Акари неволно се согласуваат да ги остават своите разлики настрана и да работат заедно. Како што напредува приказната, Џиро и Акари почнуваат да развиваат искрени чувства еден за друг, и покрај нивниот првичен напор само да се „преправаат“ дека се согласуваат. Ова создава збрка додека тие се борат да направат разлика помеѓу тоа кои емоции се вистински, а кои се само дел од нивната игра. Ситуацијата станува уште посложена кога се открива дека Шиори, другарката на Џиро од детството, исто така е вљубена во него. Напнатоста расте до точка на прекин кога, за време на затскриен миг, Минами љубезно го отфрла признанието на Акари, помагајќи ѝ да сфати дека несвесно го засакала Џиро. Сега, двете девојки се решени да го освојат неговото срце, оставајќи го Џиро растргнат меѓу нив додека се соочува со тешката одлука за тоа која девојка на крајот треба да ја избере. ЛиковиАкари Ватанабе (јап. 渡辺 星) — гјару што му станува партнерка на Џиро. Однадвор, таа изгледа екстровертна и самоуверена, но за нејзините другарки и сакани таа е всушност мила, срамежлива и љубезна. Нејзината главна цел на програмата е да стане партнерка на Минами Тенџин и е подготвена да направи сѐ што е потребно, дури и ако тоа значи да се преправа дека е невеста на Џиро. Меѓутоа, како што минува времето, таа го губи интересот кон Минами и вистински се вљубува во Џиро. Џиро Јакуин (јап. 薬院 次郎) — главниот лик што станува партнер на Акари во посебната програма за парови. Тој е незгоден интроверт со ниска самодоверба, но многу е љубезен и вреден. Неговата главна цел на програмата е да биде спарен со неговата другарка од детството, Шиори, и исто како Акари, тој е подготвен да направи сѐ што е потребно за да се случи тоа. И покрај тоа што има чувства кон Шиори, Џиро наскоро почнува да развива вистински чувства кон Акари и му е потешко да ѝ раскине. Шиори Сакуразака (јап. 桜坂 詩織) — другарка од детството на Џиро и љубовен интерес. Таа е срамежлива и љубезна девојка. Шиори станала партнерка на Минами во посебната програма за обука на парови и има заемни чувства кон Џиро. Се надева дека ќе заработи доволно бодови за на крајот да ги смени партнерите. Минами Тенџин (јап. 天神 岬波) — популарен и многу сакан училиштен идол, на кој му се восхитува речиси секоја девојка, вклучувајќи ја и Акари, која се надева дека ќе биде спарена со него во посебната програма за обука на парови. Меѓутоа, поради околностите, Минами станува партнер на Шиори. За време на училишната екскурзија, Акари му ги признава своите чувства, но тој нежно ја отфрла и ѝ споделува тајна: некогаш имал невозвратени чувства кон една жена по име Нозоми, која му била учителка, а подоцна се омажила за постариот брат на Минами. Преку овој разговор, Минами ѝ помага на Акари да сфати дека се вљубила во Џиро и ѝ посакува среќа да го освои неговото срце. Садахару Камо (јап. 加茂 貞春) — најдобриот другар на Џиро во средното, единствената личност на која Џиро може се отвори и покрај неговата повлечена природа. Како и Џиро, и Садахару има лоша среќа со девојките и за да ги спречи да ги повредат неговите чувства, тој претпочита „двомерни“ девојки отколку вистински. И покрај ова, Садахару е добра личност во душата и ќе направи сѐ што може за да му помогне на својот другар да излезе од тешка ситуација. Наводи
Надворешни врски
|
||||||||||
Portal di Ensiklopedia Dunia
