Миески нимфеј

Миески нимфеј
	Остатоци од Миескиот нимфеј
Место	Копаново, Негушко
Област	Егејска Македонија, Грција
Координати	40°37′50″N 22°05′54″E / 40.6305°N 22.0983°E
Историја
Раздобје	македонско
Белешки за наоѓалиштето
Портал	sxoliaristotelous.gr

Миески нимфеј (грчки: Το Νυμφαίο της Μίεζας) или Аристотелово училиште — храм на нимфите во древномакедонскиот град Миеза во Негушко, Егејска Македонија, денес во Грција.^[1]^[2]

Светилиштето е откриено во месноста Извори, 2 км источно од градот Негуш и западно од селото Копаново во областа Сланица.^[1] Според Плутарх во Нимфејот кај Миеза било училиштето на Аристотел, во кое три години учел Александар Македонски:

„

Потоа, како место каде учителот и ученикот ќе работат и учат, тој им го определил Храмот на нимфите кај Миеза, во кој до денес на посетителите им се покажуваат камените седишта и сенчестите патеки на Аристотел...^[3]

“

Во светилиштето има три природни пештери и двокатен портик со јонски столбови во облик на буквата П. Во вертикалните карпи се забележуваат лежиштата на покривопотпорните греди, е заднината на стоата,^[1] во која Аристотел држал предавања за „етичките и политичките учења“,^[3] изградена околу 350 г. п.н.е.^[1]

Во 2012 г. нимфејот е прогласен за споменик на културата.^[4] Денес крај остатоците од Нимфејот има културен центар со изложбена сала, просторија за состаноци и ресторан.^[5]