Хуан де ла Коса (околу 1450 – 28 февруари 1510) бил шпански истражувач и картограф, познат по тоа што ја создал прваа европска карта на двете Америки, откриени во 15 век. Тој бил клучна личност во првото и второто патување на Колумбо, бидејќи бил сопственик и капетан на бродот Санта Марија.
Во 1499 година, бил член на експедицијата на Алонсо де Охеда на Јужна Америка. Откако се вратил во Андалусија, ја исцртал познатата mappa mundi („светска карта“), а потоа со Родриго де Бастидас продолжил да истражува. Во 1509 година, ја започнал својата последна експедиција, повторно со Охеда, кон брегот што денес е Колумбија.
Умрел во вооружен конфликт со домородните луѓе.[1]
Животопис
Споменик посветен на Хуан де ла Коса во Сантоња, Кантабрија.
Никој не знае кога точно и каде е роден Хуан де ла Коса, но прифатена е хипотезата дека е роден во Сантоња, Калабрија,[2] бидејќи таму постојат документи според кои тој, неговата сопруга и неговата ќерка живееле во тој град.[3]
Датумот на неговото раѓање е исто така непознат, но се смета дека е роден меѓу 1450 и 1460 година, а не е позната никаква информација во врска со неговото детство. Се претпоставува дека како млад пловел околу Бискајскиот Залив како и околу Канарските Острови и Западна Африка.[4]
Првата сигурна информација поврзана со него потекнува од 1488 година, кога Хуан де ла Коса бил во Португалија. Во тоа време, истражувачот Бартоломео Диас пристигнал во Лисабон, откако стигнал до ’Ртот на Добрата Надеж. Се претспоставува дека Католичките кралеви го испратиле Хуан де ла Коса како шпион во тој град за да ги дознае информациите и деталите на тоа откритие. Успеал да се врати пред да биде заробен.[5]
На почетокот на 1490ти години, Хуан де ла Коса живеел во Пуерто де Санта Марија и поседувал брод нареќен Маригаленте или Галицијан.
Наводи
↑Floyd, Troy (1973). The Columbus Dynasty in the Caribbean, 1492-1526. Albuquerque: University of New Mexico Press. стр. 135.
↑Bilbao, Pedro (1948). „Juan de la Cosa“(PDF). VII Congreso de Estudios Vascos (Biarritz) (шпански). San Sebastián: Eusko Ikaskuntza: 321–328. ISBN84-8419-931-2. Архивирано од изворникот(pdf) на 2019-09-02. Посетено на 5 January 2013.
↑Cervera Pery, José (2000). „Juan de la Cosa: el marino y el hombre“ [Juan de la Cosa: the sailor and the man]. Cuadernos Monográficos del Instituto de Historia y Cultura Naval (шпански) (35): 49–57. Посетено на 5 January 2013.
↑„Juan de la Cosa“ (шпански). ArteHistoria. Архивирано од изворникот на 26 март 2010. Посетено на 5 јануари 2013.
Humboldt, Alexander (1836–39). Examen critique de l'histoire de la géographie du Nouveau Continent, et des progrès de l'astronomie nautique aux 15me et 16me siècles (француски). Paris: Gide.
León Guerrero, María Montserrat (2000). El segundo viaje colombino(PDF) (PhD) (шпански). Universidad de Valladolid. Архивирано од изворникот(PDF) на 2011-10-13.
