ആദിയോഗി ശിവ പ്രതിമ

Adiyogi statue
Coordinates	10°58′21″N 76°44′26″E / 10.972416°N 76.740602°E / 10.972416; 76.740602 (Adiyogi (Isha Yoga Center, India))
സ്ഥലം	Isha Yoga Center, Coimbatore, Tamil Nadu, India
രൂപകൽപ്പന	Sadhguru
തരം	Statue
നിർമ്മാണവസ്തു	Steel
ഉയരം	34 മീറ്റർ (112 അടി)
പൂർത്തീകരിച്ചത് date	24 February 2017
സമർപ്പിച്ചിരിക്കുന്നത് to	Lord Shiva as Adiyogi

ആത്മീയാചാര്യൻ ജഗ്ഗി വാസുദേവിന്റെ കോയമ്പത്തൂരിലെ ഇഷ ഫൗണ്ടേഷൻ കേന്ദ്രത്തിൽ സ്ഥിതി ചെയ്യുന്ന ശിവഭഗവാന്റെ ഏറ്റവും വലിയ അർദ്ധകായ പ്രതിമയാണ് ആദിയോഗി ശിവ പ്രതിമ. പശ്ചിമഘട്ടത്തിന്റെ അരുകിലായി വെള്ളിയാങ്കിരി മലനിരകളുടെ താഴ്‌വരയിലുള്ള ഈ പ്രതിമ 2 കൊല്ലം കൊണ്ടു ഡിസൈൻ ചെയ്തു 8 മാസം കൊണ്ടു നിർമ്മിച്ചു എന്നതാണ് പ്രത്യേകത.^[1] 112.4 അടി ഉയരമുള്ള ഈ പ്രതിമ 24.99 മീറ്റർ വീതിയിൽ 147 അടി നീളത്തിലാണ് സ്ഥിതി ചെയ്യുന്നത്. ലോകത്തെ ഏറ്റവും പൊക്കം കൂടിയ ഊർദ്ധ്വകായ പ്രതിമയെന്ന ഗിന്നസ് റിക്കോർഡ് നേടിയ ഈ പ്രതിമ പൂർണമായും സ്റ്റീൽ കൊണ്ടാണ് നിർമ്മിച്ചിരിക്കുന്നത്.^[2]

2017 ഫെബ്രുവരി 24 ന് മഹാശിവരാത്രി ദിനത്തിൽ ഭാരതീയ പ്രധാനമന്ത്രി നരേന്ദ്രമോഡിയാണ് ആദിയോഗി ശിവ പ്രതിമ അനാവരണം ചെയ്തത്.^[3][4][5]

പ്രതിമയുടെ 112 അടി ഉയരം എന്നത് യോഗികളുടെ സംസ്കാരത്തിൽ സൂചിപ്പിച്ചിട്ടുള്ള മോക്ഷാ (വിമോചനം) നേടാനുള്ള 112 മാർഗങ്ങളെയാണ് സൂചിപ്പിക്കുന്നത്. കൂടാതെ ശിവന്റെ കഴുത്തിലെ സർപ്പം പ്രകൃതിസൗഹൃദത്തിന്റെയും ജീവജാലങ്ങളോടുള്ള സഹവർത്തിത്തത്തിന്റെയും തെളിവാണെന്നാണ് വിശ്വാസം.