കേരളത്തിലെ ഒരു രാഷ്ട്രീയപ്രവർത്തകനും മുൻ നിയമസഭാംഗവുമായിരുന്നു എ.എ. കൊച്ചുണ്ണി (26 ജനുവരി 1921-21 ജൂലൈ 2007).[1]ആലുവ നിയമസഭാമണ്ഡലത്തിൽ നിന്നും കോൺഗ്രസ്(ആർ) പ്രതിനിധിയായി നാലാം കേരളനിയമസഭയിൽ അംഗമായി. അബ്ദുൽ ഖാദറിന്റേയും ഫാത്തിമയുടേയും മകനായി 1921 ജനുവരി 26ന് എറണാകുളം ജില്ലയിലെപള്ളുരിത്തിയിൽ ജനിച്ചു. സ്കോളർഷിപ്പോടുകൂടി ഹൈസ്കൂൾ പഠനം പൂർത്തിയാക്കിയതിനുശേഷം ബി.എ., ബി.ടി. ബിരുദങ്ങൾ നേടി, 1947 മുതൽ ഏകദേശം പത്ത് വർഷത്തോളം അധ്യാപകവൃത്തിയിൽ ഏർപ്പെട്ടു.[2] നാലാം കേളനിയമസഭയിലെ കോൺഗ്രസ് പാർട്ടിയുടെ ഡെപ്യൂട്ടി ലീഡർ, കൊച്ചി കോർപ്പറേഷന്റെ പ്രഥമ മേയർ എന്നീ നിലകളിലും പ്രവർത്തിച്ച കൊച്ചുണ്ണി മാസ്റ്റർ ഒരു ഇസ്ലാം പണ്ഡിതനും, സാഹിത്യകാരനും ഗ്രന്ഥകാരനും ആയിരുന്നു. കച്ചവടശൈലി മാപ്പിളശൈലി, ഇന്ദിരാഗാന്ധിയും കോൺഗ്രസും, നെഹ്രുവും ഇന്ദിരയും ഇന്ത്യയിലെ മുസ്ലീകളും, മതവും സംസ്കാരവും എന്നീ വൈജ്ഞാനിക കൃതികളും, ഇബ്ലീസിന്റെ കുതിരകൾ(കഥകൾ), ആരാധന (നാടകം) എന്നീകൃതികളും രചിച്ചു. സയ്യിദ് അമീർ അലിയുടെ ക്ലാസിക് കൃതികളായ സ്പിരിറ്റ് ഓഫ് ഇസ്ലാം, എ ഷോർട്ട് ഹിസ്റ്ററി ഓഫ് സാരസൻസ് എന്നിവ മലയാളത്തിലേക്ക് വിവർത്തനം ചെയ്യുതു.[2]
