കിൻഡർഗാർട്ടൻ

കിൻഡർഗാർട്ടൻ ( listen (സഹായം·വിവരണം); ജർമ്മൻ ഭാഷയിൽ നിന്നുള്ള [ˈkɪndɐˌɡaːɐ̯tn̩]  ( listen), എന്ന വാക്കിൽനിന്നുമുണ്ടായതാണ്. കുട്ടികളുടെ പൂന്തോട്ടം ("garden for the children") എന്നാണീ വാക്കിനർത്ഥം.^[1]) ഇത് ഒരു സ്കൂളിൽ ചേരുന്നതിനു മുമ്പുള്ള വിദ്യാഭ്യാസത്തെപ്പറ്റിയുള്ള കാഴ്ചപ്പാടാണ്. ഇതിൽ കളികളിലും പാട്ടിലും അധിഷ്ഠിതവും പ്രവൃത്തിപരിചയപ്രവർത്തനങ്ങളായ ചിത്രരചന, സാമൂഹ്യബന്ധം എന്നിവ ഉൾപ്പെടുന്നതുമാണ്.വീട്ടിൽനിന്നും സ്കൂളിലെയ്ക്കുള്ള മാറ്റത്തിനു കുഞ്ഞിനെ സജ്ജമാക്കുകയാണുദ്ദേശ്യം. ആദ്യം ഇത്തരം സ്ഥാപനങ്ങൾ ജർമ്മനിയിലെ ബവേറിയ, സ്ട്രാസ്ബർഗ് എന്നിവിടങ്ങളിലെ തൊഴിലാളികലുടെ കുഞ്ഞുങ്ങളെ പരിപാലിക്കാൻ വേണ്ടി തുടങ്ങി. ഫ്രീഡ്രിക് ഫ്രോബെൽ ആണ് ഈ വാക്ക് ആദ്യമായി ഉപയോഗിച്ചത്. വിദ്യാഭ്യാസ ചിന്തകനായ അദ്ദേഹത്തിന്റെ കാഴ്ച്ചപ്പാട് കുട്ടിയുടെ വിദ്യാഭ്യാസത്തിന്റെ ആദ്യനാളുകളെ ആഗോളതലത്തിൽത്തന്നെ വളരെയധികം സ്വാധീനിച്ചുവരുന്നു. ഇന്ന്, ഈ വാക്കുപയോഗിച്ച്, അനേകം രാജ്യങ്ങളിൽ, അനേകം വിദ്യാഭ്യാസ സ്ഥാപനങ്ങലേയും പഠനസ്ഥലങ്ങളേയും വൈവിധ്യമാർന്ന ബോധനരീതികളെയും പൊതുവെ വിളിക്കപ്പെടുന്നു.

1779ൽ ജൊഹാൻ ഫ്രീഡ്രിക്ക് ഒബെർലിൻ ലൂയിസ് ഷെപ്പ്ലർ എന്നിവർ പകൽ ജോലിചെയ്യുന്ന തൊഴിലാളികളുടെ കുഞ്ഞുങ്ങൾക്കു ബോധനം നൽകാനായി സ്ട്രാസ്ബർഗിൽ സ്ഥാപനങ്ങൾ തുടങ്ങി.^[2] ഇതേ കാലത്ത്, അതായത്, 1780ൽ, ബവേറിയായിലും ഇതുപോലുള്ള സ്ഥാപനങ്ങൾ പ്രവർത്തനമാരംഭിച്ചു.^[3] 1802ൽ, ജർമ്മനിയിലെ ലിപ്പെ ഭരണപ്രദേശത്ത് അവിടത്തെ രാജകുമാരിയായിരുന്ന പൗളിൻ സുർ ലിപ്പെ  ഡെറ്റ്മോൾഡ് എന്ന പ്രദേശത്ത് പ്രീസ്കൂൾ കേന്ദ്രം തുടങ്ങി. (ഇന്നീ പ്രദേശം നോർത്ത് റൈൻ-വെസ്റ്റ്ഫാലിയ എന്ന ജർമ്മൻ സംസ്ഥാനമാണ്.)^[4]

I1816ൽ തത്ത്വജ്ഞനും വിദ്യാഭ്യാസ വിജക്ഷണനും ആയിരുന്ന റോബർട്ട് ഓവൻ സ്കോട്‌ലാന്റിലെ ന്യൂ ലാനാർക്ക് എന്ന സ്ഥലത്ത് കുഞ്ഞുങ്ങൾക്കുള്ള ആദ്യ ബ്രിട്ടിഷ് സ്കൂൾ (ഒരു പക്ഷെ, ആഗോളതലത്തിൽത്തന്നെ)സ്ഥാപിച്ചു.^[5][6][7] താൻ സ്ഥാപിച്ച സഹകരണരംഗത്തുള്ള മില്ലുകളിൽ ജോലിചെയ്യാനായി ഭാവിതലമുറയെ സാൻമാർഗ്ഗികമായി രൂപപ്പെടുത്തുന്നതിനായി ആണിതു സ്ഥാപിച്ചത്. അദ്ദേഹത്തിന്റെ പുതിയ രീതി അടിസ്ഥാനപരമായ കണക്കുകൂട്ടലും പ്രാഥമിക സാക്ഷരതയും കുട്ടികൾക്കു  നൽകുന്നതിൽ വിജയകരമായി. .^[8]