കേരള നിയമസഭാ തിരഞ്ഞെടുപ്പ് (1957)

1957-ലെ കേരള നിയമസഭ തിരഞ്ഞെടുപ്പ്

28 ഫെബ്രുവരി – 11 മാർച്ച് 1957 1960 →
കേരളാ നിയമസഭയിലെ എല്ലാ (126) സീറ്റുകളിലും 64 seats needed for a majority
Turnout	65.49%
First party Second party   Leader ഇ.എം.എസ്. നമ്പൂതിരിപ്പാട് പി.ടി. ചാക്കോ Party സി.പി.ഐ ഇന്ത്യൻ നാഷണൽ കോൺഗ്രസ്സ് Leader's seat നീലേശ്വരം വാഴൂർ Seats won 60 43 Popular vote 20,59,547 22,09,251 Percentage 35.28% 37.85%
മുഖ്യമന്ത്രി before election ഒഴിവ് മുഖ്യമന്ത്രി ഇ.എം.എസ്. നമ്പൂതിരിപ്പാട് സി.പി.ഐ

കേരളത്തിലെ ആദ്യത്തെ നിയമസഭാ തെരഞ്ഞെടുപ്പായിരുന്നു.1957 ലെ കേരള നിയമസഭാ തെരഞ്ഞെടുപ്പ്. തിരഞ്ഞെടുപ്പിൽ 60 സീറ്റുകളുമായി കമ്മ്യൂണിസ്റ്റ് പാർട്ടി ഓഫ് ഇന്ത്യ വിജയിച്ചു.ഈ തിരഞ്ഞടുപ്പ് ജനാധിപത്യപരമായി തിരഞ്ഞെടുക്കപ്പെട്ട (ഇന്ത്യയിലെ ആദ്യത്തേതും , സാൻ മറീനോയ്ക്ക് ശേഷം ലോകത്തിലെ രണ്ടാമത്തേതുമായ) കമ്മ്യൂണിസ്റ്റ് ഗവൺമെന്റ് രൂപീകരിക്കുന്നതിലേക്കു നയിച്ചു ^[1] . ^[2]

1956 നവംബർ 1-ന്, സംസ്ഥാന പുനഃസംഘടന നിയമം, 1956 അനുസരിച്ച് തിരു-കൊച്ചി സംസ്ഥാനം, മദ്രാസ് സംസ്ഥാനത്തിനു കീഴിലായിരുന്ന മലബാർ ജില്ല(ഫോർട്ട് കൊച്ചി, ലക്ഷദ്വീപ് ഉൾപ്പെടെ) തെക്കൻ കാനറ ജില്ലയിലെ കാസർഗോഡ് താലൂക്ക്, അമിൻദീവ് ദ്വീപുകൾ എന്നിവ ചേർത്തു കേരളസംസ്ഥാനം രൂപീകരിച്ചു. തിരു-കൊച്ചി സംസ്ഥാനത്തിന്റെ തെക്കുഭാഗത്തെ അഗസ്തീശ്വരം, തോവാള, കൽക്കുളം, വിലവൻകോട്, ചെങ്കോട്ട എന്നീ അഞ്ച് താലൂക്കുകൾ തിരു-കൊച്ചിയിൽ നിന്ന് മദ്രാസ് സംസ്ഥാനത്തേക്ക് കൈമാറി. ^[3] സംസ്ഥാനപുനസംഘടനയ്ക്ക് ശേഷം നിയമസഭാ മണ്ഡലങ്ങൾ(1954) 106-ൽ (117 പ്രതിനിധികളോടെ) നിന്ന് 114 (126 പ്രതിനിധികളുമായി) ആയി വർധിച്ചു.

1956 ലെ സംസ്ഥാന പുനഃസംഘടന നിയമത്തെത്തുടർന്ന് മദ്രാസ് സംസ്ഥാനത്തെ മലബാർ ജില്ല തിരു-കൊച്ചിയിൽ ലയിച്ച് 1956 നവംബർ 1 ന് കേരളസംസ്ഥാനം രൂപം കൊണ്ടു. ഈ ലയനം കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ ഈ മേഖലയിലുള്ള അടിത്തറ വർദ്ധിപ്പിക്കാൻ സഹായിച്ചു. ^{[4]  [5]}

1957 ഫെബ്രുവരി 28 നും മാർച്ച് 11 നും ഇടയിൽ ഇന്ത്യൻ തിരഞ്ഞെടുപ്പ് കമ്മീഷൻ ^[6] കേരളത്തിലെ126 സീറ്റുകളിലേക്ക് (114 നിയോജകമണ്ഡലങ്ങൾ) തിരഞ്ഞെടുപ്പ് നടത്തി. 114 മണ്ഡലങ്ങളിൽ 12 എണ്ണം ദ്വയാംഗമണ്ഡലങ്ങളായിരുന്നു. 12 ദ്വയാംഗമണ്ഡലങ്ങളിൽ 11 എണ്ണം പട്ടികജാതിസംവരണമണ്ഡലങ്ങളും ഒരെണ്ണം പട്ടികവർഗ്ഗസംവരണമണ്ഡലവുമായിരുന്നു. 406 സ്ഥാനാർത്ഥികൾ തിരഞ്ഞെടുപ്പിൽ മത്സരിച്ചു. പോളിംഗ് 65.49 ശതമാനമായിരുന്നു. ^[7]

1957 കേരളനിയമസഭാ തിരഞ്ഞെടുപ്പുഫലത്തിന്റെ ചുരുക്കം^[8]

പാർട്ടി		Flag	മത്സരിച്ച മണ്ഡലങ്ങളുടെ എണ്ണം	ജയിച്ച മണ്ഡലങ്ങളുടെ എണ്ണം	ജയശതമാനം	വോട്ടുകൾ	വോട്ടിന്റെ ശതമാനം	മത്സരിച്ച സീറ്റുകളിലെ ജയശതമാനം
	Indian National Congress		124	43	34.13	2,209,251	37.85	38.1
	Communist Party of India		101	60	47.62	2,059,547	35.28	40.57
	Praja Socialist Party		65	9	7.14	628,261	10.76	17.48
	Revolutionary Socialist Party		28	0		188,553	3.23	11.12
	Independent politician		86	14	11.11	751,965	12.88	N/A
		മൊത്തം മണ്ഡലങ്ങൾ	126	വോട്ടർമാരുടെ എണ്ണം	89,13,247	പോൾ ചെയ്യപ്പെട്ട വോട്ടുകൾ	58,37,577 (65.49%)

അഞ്ച് സ്വതന്ത്രരുടെ പിന്തുണയോടെയാണ് കമ്മ്യൂണിസ്റ്റ് പാർട്ടി സർക്കാർ രൂപീകരിച്ചത്. ^[9] 1957 ഏപ്രിൽ 5-ന് ഇ.എം.എസ് നമ്പൂതിരിപ്പാട് കേരളത്തിലെ മുഖ്യമന്ത്രിയും രാജ്യത്തെ ആദ്യത്തെ കോൺഗ്രസ് ഇതര മുഖ്യമന്ത്രിയുമായി (പി.എസ്.പി മുമ്പ് തിരു-കൊച്ചി സംസ്ഥാനം ഭരിച്ചിരുന്നു). എന്നാൽ വിമോചന സമരത്തെ തുടർന്ന് 1959-ൽ കേന്ദ്രസർക്കാർ ഈ സർക്കാരിനെ പിരിച്ചുവിട്ടു.

അഞ്ച് സ്വതന്ത്രരുടെ പിന്തുണയോടെയാണ് കമ്മ്യൂണിസ്റ്റ് പാർട്ടി ഓഫ് ഇന്ത്യ സർക്കാർ രൂപീകരിച്ചത്. ^[10] 1957 ഏപ്രിൽ 5-ന് ഇ.എം.എസ് നമ്പൂതിരിപ്പാട് കേരളത്തിലെ മുഖ്യമന്ത്രിയും രാജ്യത്തെ ആദ്യത്തെ കോൺഗ്രസ് ഇതര മുഖ്യമന്ത്രിയുമായി (പിഎസ്പി മുമ്പ് ട്രാവൻകൂർ കൊച്ചി സംസ്ഥാനം ഭരിച്ചിരുന്നു). എന്നാൽ വിമോചന സമരത്തെ തുടർന്ന് 1959 ൽ കേന്ദ്രസർക്കാർ ഈ സർക്കാരിനെ പിരിച്ചുവിട്ടു.